ദേശീയ മെഡൽ ജേതാവ് ഓംകാര്‍ നാഥ് (25) വാഹനാപകടത്തില്‍ മരിച്ചു
കൊല്ലം: ദേശീയ മെഡൽ ജേതാവ് ഓംകാര്‍ നാഥ് (25) വാഹനാപകടത്തില്‍ മരിച്ചു. സംസ്ഥാന, ദേശീയപാതയിൽ പുനലൂർ, വാളക്കോട് പള്ളിക്ക് സമീപമാണ് അപകടം നടന്നത്. നിയന്ത്രണം വിട്ട ബൈക്ക് മരത്തിലേക്ക് ഇടിച്ചു കയറുകയായിരുന്നു. ദേശീയ മെഡൽ ജേതാവും എം എ കോളജ് മുൻ കായികതാരവുമാണ്. രാത്രി പതിനൊന്നാണ് അപകടം.
കേരള പൊലീസില്‍ ഹവില്‍ദാറായിരുന്നു. പുനലൂര്‍ തൊളിക്കോട് സ്വദേശിയായ ഓംകാര്‍ തിരുവനന്തപുരം എസ്എപി ക്യാംപില്‍ ഹവില്‍ദാറായി ജോലി ചെയ്യുകയായിരുന്നു. കോതമംഗലം മാര്‍ അത്തനേഷ്യസ് കോളജിലെ പൂര്‍വ വിദ്യാര്‍ത്ഥിയാണ്. ഓംകാര്‍ നാഥിനൊപ്പം ഉണ്ടായിരുന്ന മറ്റൊരു യുവാവിനെ പരുക്കുകളോടെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.
