”മൊണ്ടാഷ്” അന്താരാഷ്ട്ര ചലച്ചിത്രമേള പയ്യോളിയിൽ
പയ്യോളി: അന്താരാഷ്ട്ര ചലച്ചിത്രമേള ”മൊണ്ടാഷ്” ഫിബ്രവരി 23, 24, 25 തീയതികളിൽ പയ്യോളിയിൽ നടക്കുമെന്ന് സംഘാടകർ അറിയിച്ചു, പയ്യോളി പെരുമ ഓഡിറ്റോറിയത്തിൽ നടക്കുന്ന പരിപാടി സംവിധായകൻ ജിയോ ബേബി ഉദ്ഘാടനം ചെയ്യും. ചലച്ചിത്ര പ്രവർത്തകരും, സിനിമ പ്രവർത്തകരും പങ്കെടുക്കും.
23ന് വൈകുന്നേരം 5 മണിക്ക് നടക്കുന്ന ഉദ്ഘാടന ചടങ്ങിൽ നടക്കുക. എം.എൽ.എ കാനത്തിൽ ജമീല അധ്യക്ഷതവഹിക്കും. “സിനിമയിലെ തിരുത്തുകൾ” എന്ന വിഷയത്തിൽ തിരക്കഥാകൃത്തും, മാധ്യമ പ്രവർത്തകനുമായ ശ്രീജിത്ത് ദിവാകർ മുഖ്യപ്രഭാഷണം നടത്തും. തുടർന്ന് വ്യത്യസ്ത ഭാഷകളിലുള്ള സിനിമകൾ പ്രദർശിപ്പിക്കും. പ്രവേശനം തികച്ചും സൗജന്യമാണെന്ന് സംഘാടകർ അറിയിച്ചു.
