മഞ്ചാടി അധ്യാപക പരിശീലനത്തിന് തുടക്കമായി
കൊയിലാണ്ടി: മഞ്ചാടി അധ്യാപക പരിശീലനത്തിന് തുടക്കമായി. ഗണിത പഠനം രസകരവും കാര്യക്ഷമവുമാക്കാനുമുള്ള അന്വേഷണത്തിൻ്റെ ഭാഗമായി കൊയിലാണ്ടി നിയോജക മണ്ഡലത്തിൽ നടപ്പിലാക്കുന്ന മാത് മാജിക്കിൻ്റെ ഭാഗമായുള്ള മഞ്ചാടി അധ്യാപക പരിശീലനത്തിന് തുടക്കമായി. കേരള സർക്കാർ കെ ഡിസ്ക് മുഖേനെ വികസിപ്പിച്ച പഠനരീതി ക്ലാസ് മുറിയിൽ പ്രയോഗിക്കാൻ കൊയിലാണ്ടി മണ്ഡലത്തെയാണ് തെരഞ്ഞെടുത്തത്.
താരതമ്യേന പ്രയാസമേറിയ ഭിന്നസംഖ്യ എന്ന ആശയമാണ് പദ്ധതിയുടെ ഭാഗമായി അഞ്ചാം തരത്തിൽ നടപ്പിലാക്കുന്നത്. പരിപാടിക്ക് നേതൃത്വം നൽകുന്ന അധ്യാപകർ ക്ക്കെ ഡിസ്ക് വിദഗ്ധരുടെ നേതൃത്വത്തിലുള്ള പരിശീലന ക്ലാസുകൾക്ക് തുടക്കമായി. കാനത്തിൽ ജമീല പരിശീലന ശില്പശാല ഉദ്ഘാടനം ചെയ്തു. നഗരസഭ ക്ഷേമ കാര്യ സ്റ്റാന്റിംഗ് കമ്മിറ്റി ചെയർമാൻ കെ ഷിജു മാസ്റ്റർ അധ്യക്ഷത വഹിച്ചു. സ്കൂളുകൾക്കുള്ള പഠനോപകരണങ്ങൾ ചടങ്ങിൽ വെച്ച് എം എൽ എ വിതരണം ചെയ്തു.
