സഹകരണ മേഖലയെ തകർക്കാനുള്ള നീക്കം അവസാനിപ്പിക്കണം കെ.പി മോഹനൻ എം എൽ എ
മേപ്പയ്യൂർ: കേരളത്തിലെ സമഗ്ര മേഖലകളിലും പടർന്ന് പന്തലിച്ചു നിൽക്കുന്ന സഹകരണ പ്രസ്ഥാനത്തെ തകർക്കാൻ കേന്ദ്രസർക്കാർ കച്ചകെട്ടി ഇറങ്ങിയിരിക്കുകയാണെന്ന് മുൻ കൃഷി മന്ത്രി കെ പി മോഹനൻ എം എൽ എ ആവശ്യപ്പെട്ടു. സഹകരണ പ്രസ്ഥാനത്തിന്റെ സഹായവും ആനുകൂല്യവും പറ്റാത്ത ഒരു കുടുംബംപോലും കേരളത്തിൽ ഉണ്ടാവില്ല. അത്രയേറെ സാധ്യതകളുള്ള സഹകരണ പ്രസ്ഥാനത്തെ നിലനിർത്തേണ്ടത് നാട്ടുകാരുടെ കൂടി ബാധ്യതയാണ്.
മേപ്പയ്യൂർ പഞ്ചായത്തിലെ കൊഴുക്കല്ലൂരിൽ പ്രവർത്തിക്കുന്ന കൊഴുക്കല്ലൂർ അഗ്രികൾച്ചർ വെൽഫയർ ഓപ്പറേറ്റീവ് സൊസൈറ്റി പുതിയ കെട്ടിടത്തിലേക്ക് മാറ്റുന്ന ചടങ്ങ് ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. സംഘം പ്രസിഡണ്ട് ബി ടി സുധീഷ് കുമാർ അധ്യക്ഷത വഹിച്ചു. PA CS സംസ്ഥാന വൈസ് പ്രസിഡണ്ട് മനയത്ത് ചന്ദ്രൻ മുഖ്യപ്രഭാഷണവും, സ്ട്രോംഗ് റൂം ഉദ്ഘാടനവും നടത്തി.
കമ്പ്യൂട്ടർ സ്വിച്ച് ഓൺ കർമ്മം പഞ്ചായത്ത് പ്രസിഡണ്ട് കെ.ടി രാജൻ, ഗ്രൂപ്പ് ലോൺ ഉദ്ഘാടനം സഹകരണ വെൽഫെയർ ബോർഡ് മെമ്പർ എൻ കെ വത്സൻ, ഓണക്കോടി പദ്ധതി ഉദ്ഘാടനം അസി: രജിസ്ട്രാർ ജി ഗീതാനന്ദൻ, മികച്ച സ്വയം സഹായ സംഘങ്ങൾക്കുള്ള ഉപഹാര സമർപ്പണം ജില്ല പഞ്ചായത്ത് മെമ്പർ എം പി ശിവാനന്ദൻ, ഓഡിറ്റ് അസി: ഡയരക്ടർ എം കെ മുഹമ്മദ്, യൂണിറ്റ് ഇൻസ്പെക്ടർ കെ.വി മനോജ് കുമാർ നടത്തി. സെക്രട്ടറി ഷിബിൻ രാജ് ഒ റിപ്പോർട്ട് അവതരിപ്പിച്ചു.
പഞ്ചായത്ത് സ്റ്റാൻന്റിങ്ങ് കമ്മറ്റി ചെയർമാൻമാരായ വി സുനിൽ, ഭാസ്കരൻ കൊഴുക്കൂർ, ബ്ലോക്ക് മെമ്പർമാരായ എ പി രമ്യ, കെ കെ നിഷിത, സഹകരണ സ്ഥാപന പ്രതിനിധികളായ പി. ബാലൻ, ജെ എൻ പ്രേം ഭാസിൻ കെ.പി അനിത KCEC സംസ്ഥാന പ്രസിഡണ്ട് സി സുജിത്ത്, രാഷ്ട്രിയ പാർട്ടി പ്രതിനിധികളായ കെ ഷൈനു, സഞ്ജയ് കൊഴുക്കല്ലൂർ, കെ എം ബാലൻ, സി കെ ശ്രീധരൻ, ഇ കുഞ്ഞിക്കണ്ണൻ, സുരേഷ് ഓടയിൽ എന്നിവർ സംസാരിച്ചു.
ജനറൽ കൺവീനർ സുധീഷ് കേളോത്ത് സ്വാഗതവും ഡയരക്ടർ കെ.ടി രമേശൻ നന്ദിയും രേഖപ്പെടുത്തി.
