കൊയിലാണ്ടി നഗരസഭ കുടുംബശ്രീ ‘അരങ്ങ്’ കലോത്സവത്തിന് തുടക്കമായി
കൊയിലാണ്ടി നഗരസഭ കുടുംബശ്രീ അരങ്ങ് കലോത്സവത്തിന് തുടക്കമായി. നഗരസഭ ചെയർപേഴ്സൺ സുധ കിഴക്കേപാട്ട് ഉദ്ഘാടനം ചെയ്തു. രചന, നാടൻ പാട്ട്, ലളിത ഗാനം, മാപ്പിള പാട്ട്, കവിത പാരായണം തുടങ്ങി വിവിധ ഇനങ്ങളിലാണ് മത്സരം നടക്കുന്നത്. സി.ഡി.എസ് യൂണിറ്റുകളില്‍ നിന്നുള്ള കടുംബശ്രീ അംഗങ്ങളും കുടുംബാംഗങ്ങളുമാണ് മത്സരത്തില്‍ പങ്കെടുക്കുന്നത്. മത്സരത്തില്‍ വിജയിക്കുന്നവര്‍ക്ക് ബ്ലോക്ക് തലത്തിലും പിന്നീട് ജില്ലാതലത്തിലും മത്സരിക്കാം.
.
.
ചടങ്ങിൽ ക്ഷേമകാര്യ സ്റ്റാന്റിംഗ് കമ്മറ്റി ചെയർമാൻ കെ ഷിജു അധ്യക്ഷത വഹിച്ചു. വിദ്യാഭ്യാസ സ്റ്റാന്റിംഗ് കമ്മറ്റി ചെയർപേഴ്സൺ നിജില പറവക്കൊടി, മെമ്പർ സെക്രട്ടറി വി രമിത, നോർത്ത് സിഡിഎസ് ചെയർപേഴ്സൺ ഇന്ദുലേഖ, സൗത്ത് സിഡിഎസ് ചെയർപേഴ്സൺ വിബിന, എൻയുഎംഎൽ പ്രതിനിധികളായ വി എസ് റീന, പി കെ മിനി എന്നിവർ സംസാരിച്ചു.
