ഭിന്നശേഷി ദിനാചരണത്തിൻ്റെ ഭാഗമായി ഒരു മാസം നീണ്ടുനിൽക്കുന്ന പരിപാടികളുമായി പന്തലായനി ബിആർസി
കൊയിലാണ്ടി: ഡിസംബർ 3 ലോക ഭിന്നശേഷി ദിനം. ദിനാചരണത്തിൻ്റെ ഭാഗമായി ഒരു മാസം നീണ്ടുനിൽക്കുന്ന പരിപാടികളുമായി പന്തലായനി ബിആർസി. വിളംബരജാഥയോടെ തുടക്കം. ഡിസംബർ 1 മുതൽ 30 വരെയാണ് വിവിധ പരിപാടികൾ സംഘടിപ്പിക്കുന്നത്. ഭിന്നശേഷിക്കാരായ എല്ലാവരുടെയും സർവ്വതോന്മുഖ ഉയർച്ച മുൻനിർത്തി സമഗ്ര ശിക്ഷ കേരള ബി ആർ സി പന്തലായനി GVHSS കൊയിലാണ്ടി നിന്ന് ആരംഭിച്ച വിളംബര ജാഥ ബസ്സ് സ്റ്റാൻ്റ് പരിസരത്ത് സമാപിച്ചു.
ചെണ്ട വാദ്യമേളങ്ങളോടെ വിദ്യാലയങ്ങളിലെ കുട്ടികൾ, JRC, SPC, NCC എന്നിവയുടെ നേതൃത്വത്തിലാണ് വർണാഭമായ വിളംബര ജാഥ നടത്തിയത്. ബസ് സ്റ്റാൻ്റിൽ ഒരുക്കിയ പരിപാടി മുൻസിപ്പൽ ചെയർപേഴ്സൺ സുധ കിഴക്കേപ്പാട്ട് sticky Note പതിച്ചു കൊണ്ട് ഉദ്ഘാടനം നിർവഹിച്ചു. ക്ഷേമകാര്യ സ്റ്റാൻ്റിംഗ് കമ്മറ്റി ചെയർമാൻ കെ. ഷിജു അധ്യക്ഷത വഹിച്ചു.
കെ പി എം എസ് എച്ച് എസി എസി ലെ പ്ലസ് ടു വിദ്യാർത്ഥി സ്നേഹരാജ് ഈ വർഷത്തെ ലോക ഭിന്ന ശേഷി ദിന പ്രമേയം അവതരിപ്പിച്ചു. ചടങ്ങിൽ BRC ട്രെയിനർമാരായ ഉണ്ണികൃഷ്ണൻ, വികാസ് എന്നിവർ സംസാരിച്ചു. സ്കൂൾ തലത്തിൽ സ്പെഷ്യൽ അസംബ്ലി, ചിത്രരചന മത്സരങ്ങൾ, തിരക്കഥ രചന മത്സരം, ഫിലിം ഫെസ്റ്റിവൽ, സായാഹ്ന ജനകീയ സദസ്സ് എന്നിവയും, ഇൻക്ലൂസീവ് കായികോത്സവം, രക്ഷിതാക്കളുടേയും കുട്ടികളുടേയം കലാപരിപാടികൾ തുടങ്ങിയവയും സംഘടിപ്പിക്കും. പന്തലായനി BPC ദീപ്തി ഇ പി സ്വാഗതവും സ്പെഷൽ എഡ്യുക്കേറ്റർ കെ സിന്ധു നന്ദിയും പറഞ്ഞു.
