കൊച്ചിയെ നിർമിത ബുദ്ധിയുടെ ഇന്ത്യയിലെ ഹബ്ബാക്കി മാറ്റും; മന്ത്രി പി രാജീവ്
![](https://koyilandydiary.com/wp-content/uploads/2024/06/41-1024x943.jpg)
കൊച്ചി: കൊച്ചിയെ നിർമിത ബുദ്ധിയുടെ ഇന്ത്യയിലെ ഹബ്ബാക്കി മാറ്റുമെന്ന് വ്യവസായ മന്ത്രി പി രാജീവ്. എൻജിനീയർമാരുടെ അന്താരാഷ്ട്ര സംഘടനയായ ഐ ട്രിപ്പിൾഇയുടെ സെമി കണ്ടക്ടർ കമ്മ്യൂണിറ്റി മീറ്റ്അപ് ഉദ്ഘാടനം ചെയ്യുകയായിരുന്നു അദ്ദേഹം. രാജ്യത്ത് ആദ്യത്തെ നിർമിത കോൺക്ലേവ് കൊച്ചിയിൽ ജൂലൈയിൽ സംഘടിപ്പിക്കുമെന്നും റോബോട്ടിക് ഇൻഡസ്ട്രിയിൽ ഒരു റൗണ്ട് ടേബിൾ മീറ്റ് ആഗസ്തിൽ സംഘടിപ്പിക്കുമെന്നും അദ്ദേഹം പറഞ്ഞു.
![](https://koyilandydiary.com/wp-content/uploads/2022/09/shobika-box.jpg)
വിദ്യാഭ്യാസ സ്ഥാപനങ്ങളും വ്യവസായ സ്ഥാപനങ്ങളും തമ്മിലുള്ള സഹകരണത്തിന് സർക്കാർ വലിയ പ്രാധാന്യമാണ് നൽകുന്നത്. മുപ്പതോളം സ്വകാര്യ വ്യവസായ പാർക്കുകൾക്ക് സർക്കാർ അനുമതി നൽകി കഴിഞ്ഞു. ക്യാമ്പസ് വ്യവസായ പാർക്കുകളുമായി ബന്ധപ്പെട്ട വെബ്സൈറ്റ് ഈ മാസം ആരംഭിക്കുമെന്നും അദ്ദേഹം പറഞ്ഞു. ഐ ട്രിപ്പിൾഇ കേരളഘടകം ചെയർമാൻ പ്രൊഫ. മുഹമ്മദ് കാസിം അധ്യക്ഷനായി. പി വി ജി മേനോൻ, രാജാ രാജീവ് കുമാർ, പ്രൊഫ. അലക്സ് ജെയിംസ്, അമരരാജ, ഡോ. കെ ആർ സുരേഷ് നായർ എന്നിവർ സംസാരിച്ചു.
![](https://koyilandydiary.com/wp-content/uploads/2022/09/IMG-20240611-WA0019.jpg)
![](https://koyilandydiary.com/wp-content/uploads/2022/09/IMG-20240613-WA0139.jpg)