കേരള ഗവ. നഴ്സസ് അസോസിയേഷൻ ജില്ലാ സമ്മേളനം
താമരശേരി: കേരള ഗവ. നഴ്സസ് അസോസിയേഷൻ 67 -ാമത് ജില്ലാ സമ്മേളനം വ്യാപാരഭവൻ ഹാളിൽ ലിന്റോ ജോസഫ് എംഎൽഎ ഉദ്ഘാടനം ചെയ്തു. ജില്ലാ പ്രസിഡണ്ട് വി പി സ്മിത അധ്യക്ഷത വഹിച്ചു. ടി സജിത്ത് കുമാർ, കെ സതീഷ് ബാബു, എ ബിന്ദു, ലില്ലി ജെയിംസ് എന്നിവർ സംസാരിച്ചു. കെ ബാബു സ്വാഗതവും പി റെജിന നന്ദിയും പറഞ്ഞു.
പ്രതിനിധി സമ്മേളനം സംസ്ഥാന ട്രഷറർ എൻ ബി സുധീഷ് കുമാർ ഉദ്ഘാടനം ചെയ്തു. ഷീജ പി ജോയ് അധ്യക്ഷയായി. ടി കെ ശാന്തമ്മ, സി റെമി എന്നിവർ സംസാരിച്ചു. വൈകിട്ട്‌ പ്രകടനത്തിനുശേഷം ചേർന്ന പൊതുസമ്മേളനം എസ്എഫ്ഐ സംസ്ഥാന പ്രസിഡണ്ട് കെ അനുശ്രീ ഉദ്ഘാടനം ചെയ്തു. കെ സിന്ധു അധ്യക്ഷയായി. എൻ ബി സുധീഷ് കുമാർ, കെ പി ഷീന എന്നിവർ സംസാരിച്ചു. എ ടി മഹിജ നന്ദി പറഞ്ഞു. ഭാരവാഹികൾ: കെ സിന്ധു (പ്രസിഡണ്ട്), കെ റീജ, എം ആർ പുഷ്പലത (വൈസ് പ്രസിഡണ്ടുമാർ), പി പ്രജിത്ത് (സെക്രട്ടറി), എൻ പി വിനീത്, എ ടി മഹിജ (ജോയിന്റ് സെക്രട്ടറിമാർ), കെ കെ സജിത (ട്രഷറർ).
