ഭിന്നശേഷി മാസാചരണത്തിൻ്റെ ഭാഗമായി ഇൻക്ലൂസീവ് കായികോത്സവം ‘കൂടെ‘ നടത്തി.
കൊയിലാണ്ടി: സമഗ്ര ശിക്ഷാ കേരള ബി ആർ സി പന്തലായനി ഭിന്നശേഷി മസാച രണത്തിൻ്റെ ഭാഗമായി ഇൻക്ലൂസീവ് കായികോത്സവം ‘കൂടെ‘ നടത്തി. കായികോത്സവം കൊയിലാണ്ടി നഗരസഭ ചെയർപേഴ്സൺ സുധാ കിഴക്കേപാട്ട് ഉദ്ഘാടനം നിർവഹിച്ചു. പന്തലായനി ക്ഷേമകാര്യ സ്റ്റാൻഡിങ് കമ്മിറ്റി ചെയർമാനും ബി ആർ സി ട്രെയിനറുമായ കെ ഷിജു അധ്യക്ഷത വഹിച്ചു.
കായികോത്സവത്തിൽ പന്തലായനി ബി ആർ സി പരിധിയിലെ 60 കുട്ടികളും രക്ഷിതാക്കളും ബിആർസി അംഗങ്ങളും പൊതുജനങ്ങളും ആഘോഷത്തിൽ പങ്കുചേർന്നു. രാവിലെ 8 30 ന് ദീപശിഖ പ്രയാണത്തെ തുടർന്ന് മാർച്ച് പാസ്റ്റ്, ഫുട്ബാൾ മാച്ച്, ത്രോ ബാൾ, ബ്രോഡ് ജംപ്, റിലെ തുടങ്ങിയ മത്സര ഇനങ്ങൾ നടന്നു. വിജയികൾക്ക് സമ്മാനങ്ങൾ വിതരണം ചെയ്തു. ബി ആർ സി ട്രെയിനർ ഉണ്ണികൃഷ്ണൻ സംസാരിച്ചു, ബിപിസി ഇ പി ദീപ്തി സ്വാഗതവും സ്പെഷ്യൽ എഡ്യൂക്കേറ്റർ സിന്ധു നന്ദിയും പറഞ്ഞു.
