സംസ്ഥാനത്ത് സ്വർണവില വീണ്ടും കുറഞ്ഞു

സംസ്ഥാനത്ത് സ്വര്‍ണ വില വീണ്ടും കുറഞ്ഞു. 720 രൂപ കുറഞ്ഞ് ഒരു പവന് 66,480 രൂപയായി. 90 രൂപ ഇടിഞ്ഞ് ഒരു ഗ്രാം സ്വർണത്തിൻ്റെ വില ഇന്ന് 8310 രൂപ ആയിട്ടുണ്ട്. ഇന്നലെ ഒരു പവൻ സ്വർണത്തിന് 67,200 രൂപയും ഒരു ഗ്രാം സ്വർണത്തിന് 8400 രൂപയുമായിരുന്നു വില.

ട്രംപിന്റെ താരിഫ് പ്രഖ്യാപനങ്ങളുടെ ഇഫക്ടിലാണ് സ്വർണ്ണ വില താഴേക്ക് പോക്ക് തുടരുന്നത്. ഓഹരി വിപണിയിലെ ചലനങ്ങളും രാജ്യാന്തര വിപണിയിലെ മാറ്റങ്ങളുമാണ് വിപണിയില്‍ പ്രതിഫലിക്കുന്നത്. ജനുവരി 22നാണ് പവന്‍ വില ചരിത്രത്തില്‍ ആദ്യമായി അറുപതിനായിരം കടന്നത്. ദിവസങ്ങള്‍ക്കകം 64,000 കടന്ന് സ്വര്‍ണവില കുതിക്കുന്നതാണ് പിന്നീട് കണ്ടത്.