മുട്ടക്കോഴി കുഞ്ഞ് വിതരണം ഉദ്ഘാടനം ചെയ്തു
കൊയിലാണ്ടി: കൊയിലാണ്ടി നഗരസഭ മുട്ടക്കോഴി കുഞ്ഞുങ്ങളെ വിതരണം ചെയ്തു. നഗരസഭയുടെ 2023-24 സാമ്പത്തിക വർഷത്തെ പദ്ധതിയിൽ ഉൾപ്പെടുത്തിയാണ് നടപ്പിലാക്കുന്നത്. മുട്ടക്കോഴി കുഞ്ഞ് വിതരണോദ്ഘാടനം നഗരസഭാ ചെയർപേർസൺ സുധ കിഴക്കേപ്പാട്ട് നിർവഹിച്ചു. വികസനകാര്യ സ്റ്റാൻ്റിംഗ് കമ്മിറ്റി ചെയർപേഴ്സൺ കെ.എ ഇന്ദിര ടീച്ചർ അദ്ധ്യക്ഷത വഹിച്ചു.
കൊയിലാണ്ടി വെറ്ററിനറി ഹോസ്പിറ്റൽ സീനിയർ വെറ്ററിനറി സർജൻ ഡോ. ഗീത വി പദ്ധതി വിശദീകരിച്ചു. ചടങ്ങിൽ കൗൺസിലർ രാജീവൻ, പ്രമോദ് മലയിൽ, വി.പി ഇബ്രാഹിംകുട്ടി, അസി. ഫീൽഡ് ഓഫീസർ റെജി, ലൈവ്സ്റ്റോക്ക് ഇൻസ്പെക്ടർ നിധീഷ്, റിട്ട. അസി. ഫീൽഡ് ഓഫീസർ മോഹനൻ എന്നിവർ സംസാരിച്ചു. വാർഡ് കൗൺസിലർ അസീസ് മാസ്റ്റർ സ്വാഗതം പറഞ്ഞു.
