ചിന്നക്കനാലില്‍ വീണ്ടും കാട്ടാന ആക്രമണം; സിംങ്ക്കണ്ടത്ത് വീട് തകര്‍ത്തു
ചിന്നക്കനാലില്‍ വീണ്ടും കാട്ടാന ആക്രമണം. ചിന്നക്കനാല്‍ സിംങ്ക്കണ്ടത്ത് കാട്ടാന വീട് തകര്‍ത്തു. സിങ്ക്കണ്ടം സ്വദേശി അമുദ സുരേഷിന്റെ വീടാണ് തകര്‍ത്തത്. ഇന്ന് പുലര്‍ച്ചയോട് കൂടിയായിരുന്നു സംഭവം. നാലംഗ കുടുംബമാണ് ഈ വീട്ടില്‍ താമസിച്ചിരുന്നത്. വീട്ടില്‍ ആളില്ലാതിരുന്നതിനാല്‍ അപകടം ഒഴിവായി. അമുദയും കുടുംബവും ആശുപത്രി ആവശ്യത്തിനായി തേനി മെഡിക്കല്‍ കോളേജിലേക്ക് പോയിരുന്നു. ചക്കക്കൊമ്പനാണ് ആക്രമണം നടത്തിയതെന്ന് നാട്ടുകാര്‍.
