തിരുവനന്തപുരത്ത് ഗവേഷണ വിദ്യാർത്ഥിനിക്ക് ലഭിച്ച പാഴ്സലിൽ കഞ്ചാവ് പൊതി
തിരുവനന്തപുരത്ത് ഗവേഷണ വിദ്യാർത്ഥിനിക്ക് ലഭിച്ച പാഴ്സലിൽ കഞ്ചാവ് പൊതി. കാര്യവട്ടം ക്യാമ്പസിലെ മലയാളം വിഭാഗത്തിലെ ഗവേഷണ വിദ്യാർത്ഥിനിക്ക് എത്തിയ പാഴ്സലിലാണ് കഞ്ചാവ് പൊതി കിട്ടിയത്. പോസ്റ്റോഫീസ് വഴി കോഴിക്കോട് സ്വദേശി ശ്രീലാൽ എന്ന പേരിൽ നിന്നാണ് പാഴ്സൽ വന്നത്.
4 ഗ്രാം കഞ്ചാവാണ് പൊതിയിലുള്ളത്. ഉടൻ കോളേജ് ഡിപ്പാർട്ട്മെന്റ് അധികാരിയെ വിവരം അറിയിച്ചു. കോളേജ് അധികൃതർ ശ്രീകാര്യം പൊലീസിലും അറിയിച്ചു. പൊലീസ് ക്യാമ്പസിലെത്തി പരിശോധന നടത്തി. വിദ്യാർത്ഥിനിയുടെ മൊഴി രേഖപ്പെടുത്തി കേസെടുത്തു. സംഭവത്തെക്കുറിച്ച് വിശദമായ അന്വേഷണം നടത്തുമെന്ന് പൊലീസ് പറഞ്ഞു.
