വൈറ്റില മേല്‍പ്പാലത്തില്‍ ഹോളോബ്രിക്‌സ് കയറ്റിവന്ന ലോറി അപകടത്തില്‍പ്പെട്ടു
കൊച്ചി: വൈറ്റില മേല്‍പ്പാലത്തില്‍ ഹോളോബ്രിക്‌സ് കയറ്റിവന്ന ലോറി അപകടത്തില്‍പ്പെട്ടു. നിയന്ത്രണംവിട്ട ലോറി മേല്‍പ്പാലത്തിന്റെ കൈവരിയിലിടിച്ച് തകരുകയായിയിരുന്നു. പരിക്കേറ്റ ഡ്രൈവറെ ആശുപത്രിയിലേക്ക് മാറ്റിയിട്ടുണ്ട്‌. വ്യാഴാഴ്ച പുലര്‍ച്ചെയായിരുന്നു അപകടം.
ഇടപ്പള്ളി ഭാഗത്തുനിന്ന് വന്ന വാഹനം മേല്‍പ്പാലത്തിന്റെ കൈവരിയിലേക്ക് ഇടിച്ച് കയറുകയായിരുന്നു. വാഹനം പൂര്‍ണമായി തകര്‍ന്നിട്ടുണ്ട്. ഡ്രൈവര്‍ ഉറങ്ങിപ്പോയതായാണ് അപകടത്തിന് കാരണം. പോലീസും ഫയര്‍ഫോഴ്‌സും സ്ഥലത്തെത്തി രക്ഷാപ്രവര്‍ത്തനം നടത്തി. വാഹനം റോഡില്‍നിന്ന് നീക്കി ഗതാഗതം പുനഃസ്ഥാപിക്കാനുള്ള ശ്രമത്തിലാണ് ഫയര്‍ഫോഴ്‌സ്.
