സ്വർണവില കുറഞ്ഞു; പവന് 1,03,920 രൂപ
.
കൊച്ചി: സംസ്ഥാനത്ത് സ്വർണവിലയിൽ നേരിയ ഇടിവ് രേഖപ്പെടുത്തി. പവന് 520 കുറഞ്ഞ് 1,03,920 രൂപയും ഗ്രാമിന് 65 രൂപ കുറഞ്ഞ് 12,990 രൂപയിലുമെത്തി. കഴിഞ്ഞ ദിവസം സർവകാല റെക്കോഡിലെത്തിയതിന് പിന്നാലെയാണ് സ്വർണവില കുറയുന്നത്. കഴിഞ്ഞ ചൊവ്വാഴ്ചയാണ് സ്വര്ണവില ആദ്യമായി ഒരു ലക്ഷം കടന്നത്. പവന് 1760 രൂപ വര്ധിച്ചതോടെ സ്വര്ണവില ചരിത്രം കുറിച്ചു. ഈ മാസത്തിന്റെ തുടക്കത്തില് 95,680 രൂപയായിരുന്നു ഒരു പവൻ സ്വര്ണത്തിന്റെ വില. ഒമ്പതിന് 94,920 രൂപയായി ഇടിഞ്ഞ് ഈ മാസത്തെ ഏറ്റവും താഴ്ന്ന നിലവാരത്തില് എത്തിയെങ്കിലും പിന്നീടുള്ള ദിവസങ്ങളില് വില കുത്തനെ ഉയരുകയായിരുന്നു.
