ടി.എം. ഉണ്ണികൃഷ്ണന്‍ നമ്പൂതിരി ശബരിമല മേല്‍ശാന്തി
ശബരിമല: ശബരിമലയിലെ നിയുക്ത മേല്‍ശാന്തിയായി പാലക്കാട് ഒറ്റപ്പാലം ചെറുപ്പുളശേരി തെക്കുംപറമ്പത്ത് ടി.എം. ഉണ്ണികൃഷ്ണന്‍ നമ്പൂതിരിയും മാളികപ്പുറം മേല്‍ശാന്തിയായി ചങ്ങനാശേരി തുരുത്തി വാഴപ്പള്ളി പുതുമന ഇല്ലത്ത് എം.ഇ. മനുകുമാറും തിരഞ്ഞെടുക്കപ്പെട്ടു. ഇന്ന് രാവിലെ ഉഷപൂജയ്ക്ക് ശേഷമാണ് നടുക്കെടുപ്പ് നടന്നത്. ചെറുപ്പുളശ്ശേരി അയ്യപ്പന്‍കാവ് ക്ഷേത്രത്തിലെ മേല്‍ശാന്തിയാണ് 42കാരനായ ടി.എം. ഉണ്ണികൃഷ്ണന്‍ നമ്പൂതിരി. ഗുരുവായൂര്‍ മേല്‍ശാന്തിയായും ഇദ്ദേഹം നേരത്തെ തിരഞ്ഞെടുക്കപ്പെട്ടിട്ടുണ്ട്. മേല്‍ശാന്തി ലിസ്റ്റിലെ പന്ത്രണ്ടാമനായിരുന്നു അദ്ദേഹം. 15 പേരടങ്ങുന്ന അന്തിമ ലിസ്റ്റാണ് നറുക്കെടുപ്പിനായി തയ്യാറാക്കിയിരുന്നത്.
ശബരിമല സ്പെഷ്യല്‍ കമ്മിഷണര്‍ എം.മനോജിന്റെ നിയന്ത്രണത്തിലാണ് നറുക്കെടുപ്പ് നടന്നത്. ദേവസ്വം ബോര്‍ഡ് പ്രസിഡന്റ് പ്രയാര്‍ ഗോപാലകൃഷ്ണന്‍, മെമ്പര്‍ അജയ് തറയില്‍, ദേവസ്വം കമ്മിഷണര്‍ സി.പി. രാമരാജ പ്രേമപ്രസാദ് എന്നിവരും സന്നിഹിതരായിരുന്നു.
