മണാലിയേക്കുറിച്ച് അറിഞ്ഞിരിക്കേണ്ട കാര്യങ്ങള്
പ്രൗഢിയോടെ നിലകൊള്ളുന്ന ഹിമാലയന് മലനിരകളുടെ താഴ്വരയില് ശാന്തസുന്ദരമായ ഒരു ഭൂമിയുണ്ട്. സഞ്ചാരികളുടെ പറുദീസയായ മണാലി. വടക്കേ ഇന്ത്യയിലെ ഏറ്റവും ജനപ്രിയമായ ഒരു വിനോദ സഞ്ചാര കേന്ദ്രമാണ് മണാലി.
പ്രകൃതി സൗന്ദര്യം നുകരാനും സാഹസിക വിനോദങ്ങളില് ഏര്പ്പെടാനുമാണ് സഞ്ചാരികള് കൂടുതലും ഇവിടെ എത്താറുള്ളത്. ഇന്ത്യയിലെ പ്രശസ്തമായ ഹണിമൂണ് ഡെസ്റ്റിനേഷന് കൂടിയാണ് മണാലി. മണാലിയിലേക്ക് യാത്ര ചെയ്യാന് ഒരുങ്ങുമ്ബോള് സഞ്ചാരികള് അറിഞ്ഞിരിക്കേണ്ട ചില കാര്യങ്ങള് മനസിലാക്കാം.
മണാലിയുടെ സൗന്ദര്യം
ഹിമാലയന് മലനിരകളുടെ പശ്ചാത്തലകാഴ്ചയ്ക്ക് പുറമേ മണാലിയെ സുന്ദരമാക്കുന്നത് ദേവദാരു മരങ്ങളും പതിഞ്ഞ് ഒഴുകുന്ന ബിയാസ് നദിയുമാണ്. ഇവയുടെ മാന്ത്രിക ഭംഗി സഞ്ചാരികളുടെ ആനന്ദം നൂറിരട്ടിയാക്കും.
മണാലിയിലേക്ക്
ഡല്ഹിയില് നിന്ന് 580 കിലോമീറ്റര് അകലെയായില് ഹിമാചല് പ്രദേശില് കുളുതാഴ്വരയുടെ വടക്ക് ഭാഗത്തായാണ് മണാലി സ്ഥിതി ചെയ്യുന്നത്.
എത്തിച്ചേരാന്
മണാലിയില് നിന്ന് 320 കിലോമീറ്റര് അകലെയാണ് റെയില്വെ സ്റ്റേഷന് സ്ഥിതി ചെയ്യുന്നത്, അതിനാല് റോഡ് മാര്ഗമാണ് മണാലിയിലേക്ക് യാത്ര ചെയ്യുന്നത് ഉചിതം. ഡല്ഹിയില് നിന്ന് ഹിമചല് പ്രദേശ് ടൂറിസം കോര്പ്പറേഷന്റെ ബസുകള് മണാലിയിലേക്ക് പുറപ്പെടുന്നുണ്ട്.
ഡല്ഹിയില് നിന്ന്
ഡല്ഹിയില് നിന്ന് 15 മണിക്കൂര് ബസില് യാത്ര ചെയ്യണം മണാലിയില് എത്തിച്ചേരാന്. ഡല്ഹിയില് നിന്ന് മണാലിയിലേക്ക് രാത്രികാല യാത്രകളാണ് കൂടുതലായും ഉള്ളത്.
പോകാന് നല്ല സമയം
മാര്ച്ച് അവസാനം മുതല് ഒക്ടോബര് വരെയാണ് മണാലിയില് യാത്ര ചെയ്യാന് നല്ല സമയം. ഒക്ടോബര് മുത രാത്രിയും രാവിലെയും കനത്ത തണുപ്പായിരിക്കും. ഡിസംബര് മുതല് ആരംഭിക്കുന്ന മഞ്ഞുവീഴ്ച യാത്ര ദുസ്സഹമാക്കും.
സാഹസികരേ ഇതിലേ ഇതിലേ
സാഹസികപ്രിയരുടെ ഇഷ്ടസ്ഥലമാണ് മണാലി. സഹാസികപ്രിയര്ക്ക് നിരവധി ആക്റ്റിവിറ്റികളാണ് മണാലിയില് ഉള്ളത്. വൈറ്റ് വാട്ടര് റാഫ്റ്റിംഗ്, പാരാഗ്ലൈഡിംഗ്, സ്കീയിംഗ്, മലകയറ്റം, ഹൈക്കിംഗ് തുടങ്ങി നിരവധി സാഹസിക വിനോദങ്ങളാണ് മണാലിയില് ഉള്ളത്. സാഹസിക വിനോദങ്ങള് ഒരുക്കുന്ന നിരവധി ഗ്രൂപ്പുകള് ഇവിടെയുണ്ട്.
ഉത്സവപ്രേമികള്ക്ക് ചില കാര്യങ്ങള്
ഇവിടുത്തെ ഹഡിംബ ക്ഷേത്രത്തിലെ ഉത്സവമാണ് മണാലിയിലെ പ്രധാന ഉത്സവം. എല്ലാവര്ഷവും മെയ് മാസത്തില് നടക്കാറുള്ള ഈ ഉത്സവത്തില് പങ്കെടുത്താല് മണാലിയുടെ പ്രാദേശിക സംസ്കാരം മനസിലാക്കാം. പ്രദേശിക കലാകാരന്മാരുടെ നാടന്കലാമേളകളും വൈവിധ്യപൂര്ണമായ ഘോഷയാത്രയും ഈ ഉത്സവത്തിന്റെ പ്രത്യേകതയാണ്. ഒക്ടോബര് മാസത്തില് നടക്കാറുള്ള കുളു ദസറയാണ് ഇവിടുത്തെ മറ്റൊരു ആഘോഷം.