സാരഥി തൃക്കോട്ടൂരിൻ്റെ ഓണാഘോഷം
കൊയിലാണ്ടി: സാരഥി തൃക്കോട്ടൂരിന്റെ ആഭിമുഖ്യത്തിൽ ഈ വർഷത്തെ ഓണം വിവിധ പരിപാടികളോടെ ആഘോഷിച്ചു. ഗൃഹാങ്കണ പൂക്കളം മത്സരം, കുട്ടികൾക്കും മുതിർന്നവർക്കുമുള്ള കായിക മത്സരങ്ങൾ എന്നിവയായിരുന്നു മുഖ്യ പരിപാടികൾ. കൂടാതെ എസ്എസ്എൽസി, പ്ലസ് ടു പരീക്ഷകളിൽ ഉന്നത വിജയം നേടിയവർക്കും, മത്സരങ്ങളിൽ വിജയികളായവർക്കും സമ്മാനം വിതരണം ചെയ്തു.
സമാപന ചടങ്ങിൽ തിക്കോടി ഗ്രാമപഞ്ചായത്ത് അംഗം ജയകൃഷ്ണൻ ചെറുകുറ്റി സമ്മാന വിതരണം നടത്തി. ചടങ്ങിൽ പി.കെ. രാജീവൻ അധ്യക്ഷത വഹിച്ചു. മഠത്തിൽ രാജീവൻ, ബാലചന്ദ്രൻ മാസ്റ്റർ , എന്നിവർ സംസാരിച്ചു.
