തൊഴിലുറപ്പ് തൊഴിലാളികൾ ഹെഡ് പോസ്റ്റ് ഓഫീസിലേക്ക് മാർച്ചും ധർണ്ണയും നടത്തി

കൊയിലാണ്ടി: തൊഴിലുറപ്പ് തൊഴിലാളികൾ എൻ.ആർ.ഇ ജി.വർക്കേഴ്സ് യൂണിയൻ ഏരിയാ കമ്മിറ്റിയുടെ നേതൃത്വത്തിൽ കൊയിലാണ്ടി ഹെഡ് പോസ്റ്റ് ഓഫീസിലേക്ക് മാർച്ചും ധർണ്ണയും നടത്തി. ജാതി തിരിച്ച് കൂലി നൽകുന്ന സ്ഥിതി അവസാനിപ്പിക്കുക, കുടിശ്ശിക ഉടനെ അനുവദിക്കുക, തൊഴിൽ ദിനം 200 ആക്കുക, കൂലി 600 രൂപ ആക്കുക, തൊഴിലുറപ്പ് പദ്ധതി ഇല്ലാതാക്കാനുള്ള കേന്ദ്ര സർക്കാർ നീക്കം അവസാനിപ്പിക്കുക, അയ്യങ്കാളി തൊഴിലുറപ്പ് പദ്ധതിക്ക് വേഗം കൂട്ടുക, ക്ഷേമപദ്ധതി ഉടൻ നടപ്പിലാക്കുക എന്നീ ആവശ്യങ്ങൾ ഉന്നയിച്ച് നടത്തിയ ധർണ്ണ സി. അശ്വനിദേവ് ഉദ്ഘാടനം ചെയ്തു. എം.എം. രൂപ അധ്യക്ഷത വഹിച്ചു. സി.ടി. ബിന്ദു, എൻ.കെ. ഭാസ്കരൻ, പി.കെ. ഭരതൻ, എം. പത്മനാഭൻ, വി. സുന്ദരൻ, പി. ചന്ദ്രശേഖരൻ, വി.കെ. രേഖ എന്നിവർ സംസാരിച്ചു.