തോട് മണ്ണിട്ട് നികത്തുന്നത് നർത്തിവെക്കണം

കൊയിലാണ്ടി: നിർദിഷ്ട നന്തി ചെങ്ങോട്ടുകാവ് ബൈപ്പാസ് കടന്നു പോകുന്ന വിയ്യൂര് പൊറ്റോൽ താഴ ചോർച്ചപ്പാലം അരീക്കൽ താഴ കീരൻ കൈവഴി നടേരി പുഴയിൽ അവസാനിയ്ക്കുന്ന തോട് ഏകദേശം 50 മീറ്ററോളം മണ്ണിട്ട് നികത്തി കഴിഞ്ഞു പുളിയഞ്ചേരി, അമ്പാതോട് ആറാം വാർഡിലെയും പത്താം വാർഡിലെയും വെള്ളം മഴ പെയ്തു കഴിഞ്ഞാൽ ഈ തോടു വഴിയാണ് പുഴയിലേക്ക് ഒഴുകി പോകുന്നത്. തുടർച്ചയായി മഴ പെയ്യുമ്പോഴും പുഴയിൽ വെള്ളം കയറുമ്പോഴും നെല്ല്യാടി റോഡിൽ വെള്ളം കയറി ഗതാഗതം മണിക്കൂറുകളോളം നിലക്കുക പതിവാണ്. 

ഏറ്റവും തിരക്കേറിയ റോഡായതിനാൽ ബസ് സർവീസ് പോലും നിർത്തിവെക്കേണ്ട അവസ്ഥ മഴക്കാലങ്ങളിൽ ഉണ്ടാവാറുണ്ട്. ഏതാനും മണിക്കൂറുകൾക്കുള്ളിൽ കൈ കനാലും തുറന്നു വിടും  പാഴാകുന്ന വെള്ളവും ഈ തോടു വഴിയാണ് പുഴയിലേക്കും കക്കുളം പാടശേഖരങ്ങളിലേക്കും ഒഴുകുന്നത്. അതും ഇവിടെ കെട്ടി കിടന്ന് നെല്യാടിറോഡിലേക്കാണ് എത്താൻ പോകുന്നത്. തോടു നികത്തിയ ഭാഗങ്ങളിൽ സ്ലാബിട്ട് പ്രശ്നം പരിഹരിച്ചില്ലങ്കിൽ നെല്ല്യാടി റോഡിലെ യാത്രക്കാരും നാട്ടുകാരും പരിസരവാസികളും ബുദ്ധിമുട്ടിലാവുക മാത്രമല്ല   വീടുകൾക്കും ഭീഷണിയാവുമെന്നാണ് നാട്ടുകാർ പരാതിപ്പെടുന്നത്.