പ്രായപൂർത്തിയാവാത്ത ദളിത് യുവതിയെ കൂട്ട ബലാൽസംഗം ചെയ്തു: രണ്ട് പേർ കസ്റ്റഡിയിൽ

കൊയിലാണ്ടി: പ്രായപൂർത്തിയാവാത്ത ദളിത് യുവതിയെ കൂട്ടം ബലാൽസംഗം ചെയ്തു. സംഭവത്തിൽ രണ്ട് പേർ പിടിയിലായതായി സൂചന. പേരാമ്പ്ര ചേർമലയിൽ വരുൺ രാജ് (26), മുയിപ്പോത്ത് ഉരുണി കുന്നുമ്മൽ ശ്യാംലാൽ (26) തുടങ്ങിയവരാണ് പിടിയിലായതെന്നാണ് വിവരം. ഫിബ്രവരി 14 ന് വാലൻ്റൈൻ ദിനത്തിലാണ് കേസിനാസ്പദമായ സംഭവം നടന്നത്. 17 കാരിയെ പ്രണയം നടിച്ചാണ് വിവിധ സ്ഥലങ്ങളിൽ കൊണ്ട് പോയി പീഡിപ്പിച്ചത്. യുവതിക്ക് കഞ്ചാവും മയക്കുമരുന്നും നൽകിയാണ് പീഡനം നടത്തിയതെന്ന് പറയുന്നു..

അന്നേ ദിവസം രാവിലെ പോയ യുവതി വൈകീട്ട് അസ്വസ്ഥതയോടെ വരുന്നത് കണ്ട വീട്ടുകാർ കുട്ടിയെ കൊയിലാണ്ടി താലൂക്ക് ആശുപത്രിയിൽ പ്രവേശിപ്പിക്കുകയായിരുന്നു. തുടർന്നാണ് പീഡനം നടന്നതായി അറിയുന്നത്. വടകര ഡി.വൈ.എസ്.പി. അബ്ദുൾ ഷെറീഫ് ആണ് കേസന്വേഷണം നടത്തുന്നത്. സി.ഐ. എൻ.സുനിൽകുമാറിൻ്റെ നേതൃത്വത്തിലുള്ള പോലീസ് സംഘം തന്ത്രപൂർവ്വം വലയിലാക്കുകയായിരുന്നു. അന്വേഷണ സംഘത്തിൽ എ.എസ്.ഐ. മാരായ പി. പ്രദീപൻ, ഗിരീഷ്, ഒ കെ. സുരേഷ്, പ്രതീഷ് തുടങ്ങിയവരാണുണ്ടായിരുന്നത്. പീഡന സംഘത്തിൽ കൂടുൽപേർ ഉണ്ടെന്ന വിവരത്തിൻ്റെ അടിസ്ഥാനത്തിൽ അന്വേഷണം ഊർജിതമാക്കിയതായി .ഡി .വൈ .എസ് .പി .അബ്ദുൾ ഷെറീഫും. സി.ഐ.എൻ. സുനിൽകുമാറും പറഞ്ഞു.