സിപിഎം നേതാവിന്റെ വീടിനു മുന്‍പില്‍ റീത്തും ഭീഷണിക്കത്തും
തളിപ്പറമ്പ്‌: സിപിഎം നേതാക്കളായ ദമ്പതിമാരുടെ വീടിനു മുന്‍പില്‍ റീത്തും ഭീഷണിക്കത്തും. പൂക്കോത്ത് തെരുവിലെ പി. ശങ്കരന്‍ നമ്പ്യാരുടെ വീട്ടുപടിക്കലാണ് ഇന്നു രാവിലെ റീത്ത് പ്രത്യക്ഷപ്പെട്ടത്.
കീഴാറ്റൂര്‍ പ്രദേശത്ത് കൂടി കടന്നുപോകുമെന്നു കരുതുന്ന നിര്‍ദ്ദിഷ്ട ദേശീയപാത ബൈപ്പാസിനെ അനുകൂലിച്ചാല്‍ വെറുതേ വിടില്ലെന്നു സൂചിപ്പിക്കുന്ന കത്തും ഇതോടൊപ്പമുണ്ടായിരുന്നു. മറ്റൊരു ഭീഷണി കത്ത് ചുമരില്‍ പതിക്കുകയും ചെയ്തിരുന്നു. കീഴാറ്റൂരിലെ സിപിഎം പ്രവര്‍ത്തകരുടെ നേതൃത്വത്തില്‍ ബൈപ്പാസ് നിര്‍ദേശത്തിനെതിരെ സമരം നടത്തി വരികയാണ്.
വിവരമറിഞ്ഞ് സിപിഎം ഏരിയ സെക്രട്ടറി പി.മുകുന്ദന്‍ ഉള്‍പ്പെടെയുള്ളവര്‍ സ്ഥലത്തെത്തി. സാമൂഹിക വിരുദ്ധരാണ് സംഭവത്തിനു പിന്നിലെന്നും ഇതിനെ കുറിച്ച്‌ അന്വേഷിക്കുമെന്നും പാര്‍ട്ടി നേതാക്കള്‍ ആവശ്യപ്പെട്ടു.
