ലഹരി വിരുദ്ധ ക്യാമ്പയിൻ: വിദ്യാർത്ഥികളിൽ നിന്ന് പേരും ലോഗോയും ക്ഷണിക്കുന്നു
കൊയിലാണ്ടി: ലഹരി വിരുദ്ധ ക്യാമ്പയിൻ പ്രവർത്തനത്തിനായി പേരും ലോഗോയും ക്ഷണിക്കുന്നു. നഗരസഭയും, പോലീസ്- എക്സൈസ് വകുപ്പുകളും ചേർന്ന് സംഘടിപ്പിക്കുന്ന ലഹരി വിരുദ്ധ ക്യാമ്പയിനിന്റെ ഭാഗമായി ഹയർ സെക്കൻഡറി വിദ്യാർത്ഥികളിൽ നിന്നും ലഹരി വിരുദ്ധ സ്ക്വോഡിന് അനുയോജ്യമായ പേരും, ലോഗോയും സൃഷ്ടികളായി ക്ഷണിക്കുന്നു. നഗരസഭ പരിധിയിൽ താമസിക്കുന്ന ഹയർ സെക്കൻഡറി വിഭാഗത്തിലെ വിദ്യാർത്ഥികൾക്ക് മാത്രമാണ് ഈ മത്സരം ഒരുക്കിയിരിക്കുന്നത്.
തെരഞ്ഞെടുക്കപ്പെട്ട സൃഷ്ടികൾക്ക് വെവ്വേറെ ഉപഹാരങ്ങൾ നൽകുന്നതാണ്. ഒരാൾക്ക് തന്നെ ഈ രണ്ട് സൃഷ്ടികൾക്കും പങ്കെടുക്കാവുന്നതാണ്. മത്സരാർത്ഥികൾ സ്കൂൾ പ്രിൻസിപ്പലിന്റെ സാക്ഷ്യപത്രവും, സ്‌ക്വാഡിന്റെ പേരും , ലോഗോയും 9400 595 670 എന്ന നമ്പറിൽ വാട്സാപ്പ് ചെയ്യുക.
(i) ഒരു വിദ്യാർത്ഥിക്ക് ഒരു പേരും ഒരു ലോഗോയും മാത്രമെ നിർദ്ദേശിക്കാൻ അർഹതയുണ്ടാവുള്ളൂ.
(ii) ലഹരി വിരുദ്ധ പ്രവർത്തനങ്ങൾക്ക് അനുയോജ്യമാവുന്ന രീതിയിലാവണം തയ്യാറാക്കുന്ന പേരും ലോഗോയും .
(iii) പഠിക്കുന്ന സ്ഥാപനത്തിന്റെ പ്രിൻസിപ്പലിന്റെ സാക്ഷ്യപത്രം ഇതിനോടൊപ്പം അയക്കേണ്ടത്.
(iv) ലോഗോ PDF ലായിരിക്കണം അയക്കേണ്ടത്. തയ്യാറാക്കുന്ന ലോഗോ കളറിൽ ഉള്ളതാവണം.
(v) അയക്കുന്ന സൃഷ്ടികൾ 2022 ജൂലൈ 31 നകം മേൽ കൊടുത്ത നമ്പറിൽ വാട്സാപ്പ് ചെയ്യണം.
(vi) അയക്കുന്ന വിദ്യാർത്ഥിയുടെ പേര്, രക്ഷിതാവിന്റെ പേര്, മേൽവിലാസം, വാർഡ് നമ്പർ, മൊബൈൽ നമ്പർ എന്നിവ ഉണ്ടായിരിക്കണം.
