മീന്തലക്കരയില്‍ വീടിന് തീപിടിച്ച്‌ പത്താം ക്ലാസ് വിദ്യാര്‍ത്ഥി മരിച്ചു
തിരുവല്ല: മീന്തലക്കരയില്‍ വീടിന് തീപിടിച്ച്‌ പത്താം ക്ലാസ് വിദ്യാര്‍ത്ഥി മരിച്ചു. തെങ്ങനാംകുളത്ത് അജിയുടെ മകള്‍ അഭിരാമിയാണ് മരിച്ചത്. ഷോര്‍ട്ട് സര്‍ക്യൂട്ടിനെ തുടര്‍ന്നാണ് തീ പടര്‍ന്നത്. രാവിലെ പത്തരയോടെയാണ് സംഭവം.
മീന്തലക്കര നിക്കോള്‍സ് സ്കൂളിലെ വിദ്യാര്‍ത്ഥിയായ അഭിരാമി രാവിലെ സ്കൂളില്‍ ചെന്നെങ്കിലും വിദ്യാഭ്യാസ ബന്ദ്മൂലം തിരിച്ചുപോന്നിരുന്നു. പത്താം ക്ലാസുകാര്‍ക്ക് ക്ലാസുണ്ടെന്ന് അറിയിച്ചതോടെ സ്കൂളിലേക്ക് പോകാനായി തയ്യാറാകുന്നതിനിടെ ഷോക്കേല്‍ക്കുകയായിരുന്നു.
തുടര്‍ന്ന് മുറിയില്‍ തീ പടര്‍ന്നു. ഫയര്‍ഫോഴ്സെത്തിയാണ് തീയണച്ചത്. വീട് ഭാഗികമായി കത്തി നശിച്ചു. അഭിരാമിയുടെ മൃതദേഹം തിരുവല്ല താലൂക്ക് ആശുപത്രിയിലേക്ക് മാറ്റി. അപകടം നടക്കുമ്ബോള്‍ അഭിരാമിയുടെ അമ്മയും സഹോദരനും വീട്ടിലുണ്ടായിരുന്നു.
Advertisements
