ഫലവൃക്ഷങ്ങളും കാര്ഷിക തൈകളും അടങ്ങിയ നഴ്സറി ആരംഭിച്ചു
ഫറോക്ക്: കാര്ഷിക മേഖലയുടെ സമഗ്രമായ വികസനം മുന്നിര്ത്തി കരുവന് തിരുത്തി ബാങ്ക് നടപ്പിലാക്കി വരുന്ന നാട്ടുപച്ച പ്രൊജക്ടിന്റെ ഭാഗമായി വിവിധ ഫലവൃക്ഷങ്ങളും കാര്ഷിക തൈകളും അടങ്ങിയ നഴ്സറി ആരംഭിച്ചു.
ഗുണമേന്മയുളള തൈകളായ മലേഷ്യന് കുള്ളന് തെങ്ങ് , സണ്ണങ്കി കുള്ളന് തെങ്ങ് , കവുങ്ങ് (മോഹിത്ത് നഗര്), കിലോ പേര , ഓറഞ്ച് , മുസമ്ബി , മുന്തിരി , റം ബൂട്ടാന് , സപ്പോട്ട , മാവ് (മല്ഗോവ),തേന്വരിക്ക പ്ലാവ് , തുടങ്ങിയവ ലഭ്യമാണ്.
കര്ഷക കുടുംബങ്ങള്ക്ക് സബ്സിഡി നിരക്കില് ഹോള്സെയില് ആന്ഡ് റീട്ടെയില് ആയും ഓര്ഡര് പ്രകാരവും തൈകള് നല്കുന്നതാണെന്ന് ബാങ്ക് അധികൃതര് അറിയിച്ചു. ബാങ്ക് പ്രസിഡന്റ് കെ.എം. ബഷീറിന്റെ അദ്ധ്യക്ഷതയില് നടന്ന ചടങ്ങില് നഴ്സറിയുടെ ഉദ്ഘാടനം ഫറോക്ക് കൃഷി ഓഫീസര് നിഷാന്ത് നിര്വ്വഹിച്ചു .ആദ്യ വില്പന കെ. കുഞ്ഞിപ്പോക്കര്ക്ക് നല്കി.
ഡയറക്ടര്മാരായ ഇ.കെ. ഷമീര് ,ടി.പി സലീം, ടി ബിന്ദു,സി.പി ആസ്യ, അബ്ദുല് അസീസ് കൊളക്കാടന് , കെ.പിഷംസുദ്ദീന്, പി വി സക്കറിയ , എന്.കെനബീസ , ടി.സുലൈഖ എന്നിവര് സംസാരിച്ചു. ബാങ്ക് വൈ: പ്രസിഡന്റ് കെ. അന്വര് അലി സ്വാഗതവും ബാങ്ക് സി.ഇ.ഒ. ഖാലിദ് ഷമീം നന്ദിയും പറഞ്ഞു.