പെയിന്റ് കയറ്റിപ്പോയ ലോറി മറിഞ്ഞു; ദേശീയപാതയില്‍ ഗതാഗതം സ്തംഭിച്ചു
പയ്യോളി: പെയിന്റ് കയറ്റിപ്പോയ ലോറി മറിഞ്ഞ് ഇരിങ്ങലിന് സമീപം ദേശീയപാതയിൽ രണ്ട് മണിക്കൂറോളം ഗതാഗതം സ്തംഭിച്ചു. ചൊവ്വാഴ്ച രാവിലെ ഏഴോടെയായിരുന്നു അപകടം. കോഴിക്കോട് നിന്നു മംഗലാപുരത്തേക്ക് പോകുകയായിരുന്ന കെ എൽ 11 ബി ജി 2975 നമ്പർ ലോറിയാണ് അപകടത്തിൽപ്പെട്ടത്. ലോറിയുടെ ടയർപൊട്ടി നിയന്ത്രണം വിട്ട് റോഡിന് കുറുകെ മറിയുകയായിരുന്നു.
ടിന്നുകൾ പൊട്ടി റോഡിലേക്ക് പെയിന്റ് ഒഴുകിയതോടെ ദേശീയപാതയിലൂടെയുള്ള ഗതാഗതം പൂർണമായും തടസ്സപ്പെട്ടു. പയ്യോളി എസ്ഐ കെ സജീഷിന്റെ നേതൃത്വത്തിലുള്ള പൊലീസും വടകരയിൽ നിന്ന് ഫയർഫോഴ്സും സ്ഥലത്തെത്തി. ക്രെയിൻ ഉപയോഗിച്ച് ലോറി നീക്കി ഒമ്പതോടെ ഗതാഗതം പുനഃസ്ഥാപിച്ചു. പരിക്കേറ്റ ലോറി ഡ്രൈവറെ വടകര ഗവ. ആശുപത്രിയിൽ പ്രവേശിപ്പിച്ചു.
