പാരാലിംപിക്സില്‍ ഇന്ത്യയ്ക്ക് ഒരു സ്വര്‍ണം കൂടി

റിയോ ഡി ജനീറോ: പാരാലിംപിക്സില്‍ ഇന്ത്യയ്ക്ക് ഒരു സ്വര്‍ണം കൂടി. പുരുഷന്‍മാരുടെ ജാവലിന്‍ ത്രോയില്‍ ഇന്ത്യയുടെ ദേവേന്ദ്ര ജാചാര്യയാണ് സ്വര്‍ണം നേടിയത്. നിലവിലെ ലോക റെക്കോര്‍‍ഡുകാരനായ ദേവേന്ദ്ര 63.97 മീറ്റര്‍ എറിഞ്ഞു സ്വന്തം റെക്കോര്‍ഡ് തിരുത്തിയാണ് സ്വര്‍ണം നേടിയത്.

2004ല്‍ ഏതന്‍സില്‍ നടന്ന പരാലിംപിക്സിലാണ് 62.15 മീറ്റര്‍ എറിഞ്ഞ് റെക്കോര്‍ഡോടെ ദേവേന്ദ്ര ആദ്യമായി സ്വര്‍ണം നേടിയത്. ലോക റാങ്കിങ്ങില്‍ മൂന്നാം സ്ഥാനക്കാരനാണ് മുപ്പത്താറുകാരനായ ദേവേന്ദ്ര.