തിരൂരില്‍ രണ്ട് സി.പി.എം പ്രവര്‍ത്തകരെ ബസ് തടഞ്ഞുനിര്‍ത്തി വെട്ടി പരിക്കേല്‍പ്പിച്ചു
മലപ്പുറം: തിരൂരില്‍ രണ്ട് സി.പി.എം പ്രവര്‍ത്തകരെ ബസ് തടഞ്ഞുനിര്‍ത്തി വെട്ടി പരിക്കേല്‍പ്പിച്ചു. ബസ് ജീവനക്കാരായ മഹേഷ്, അനില്‍ കുമാര്‍ എന്നിവര്‍ക്കാണ് വെട്ടേറ്റത്. ആക്രമണത്തില്‍ ഗുരുതരമായി പരുക്കേറ്റ ഇരുവരേയും കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. ആര്‍.എസ്.എസ് പ്രവര്‍ത്തകരാണ് അക്രമത്തിന് പിന്നിലെന്ന് സിപിഎം ആരോപിച്ചു.
തിരൂര്‍ കൂട്ടായില്‍ വെച്ചായിരുന്നു സംഭവം. ബസ് തടഞ്ഞു നിര്‍ത്തി അകത്തു കയറിയാണ് ഇരുവരേയും വെട്ടിവീഴ്ത്തിയത്. സംഭവത്തില്‍ പ്രതിഷേധിച്ച്‌ തിരൂരിലെ സ്വകാര്യ ബസുകള്‍ ഇന്ന്‌ പണിമുടക്കും.
