കൊറോണ: തൊഴിലുറപ്പ് തൊഴിലാളികള്ക്കായി നിര്ദേശങ്ങള് പുറത്തിറക്കി
കോഴിക്കോട്: കേരളത്തില് കൊറോണ വ്യാപിക്കുന്ന സാഹചര്യത്തില് ദേശീയ ഗ്രാമീണ തൊഴിലുറപ്പ് പദ്ധതി തൊഴിലാളികള്ക്കായി നിര്ദേശങ്ങള് പുറത്തിറക്കി. രോഗം പടരാതിരിക്കാന് ജോലി സ്ഥലത്ത് തൊഴിലാളികള് പാലിക്കേണ്ട നിര്ദേശങ്ങളാണ് ഇവ. ഇതു സംബന്ധിച്ച് മലപ്പുറം ജില്ല കലക്ടറുടെ ഫേസ്ബുക്ക് പേജിലാണ് നിര്ദേശങ്ങള് പോസ്റ്റ് ചെയ്തിരിക്കുന്നത്.
പ്രവൃത്തി ആരംഭിക്കുന്നതിന് മുമ്പായി എല്ലാ തൊഴിലാളികളും കൈ നന്നായി സോപ്പിട്ട് കഴുകണം. വിശ്രമ വേളകളിലും ഭക്ഷണം കഴിക്കുന്നതിന് മുമ്പും വീട്ടിലെത്തിയ ശേഷവും ഇത് ആവര്ത്തിക്കണം. പണിക്കിടയില് വിയര്പ്പ് തുടക്കാനും ചുമക്കുമ്പോള് വായ് മൂടാനും നിര്ബന്ധമായും തോര്ത്ത് ഉപയോഗിക്കണം. ദിവസവും ഇത് കഴുകി വൃത്തിയാക്കുകയും വേണം.
പണി സ്ഥലത്ത് സോപ്പിട്ട് കൈകഴുകാനുള്ള സൗകര്യം മേറ്റിെന്റ നേതൃത്വത്തില് ഒരുക്കണം. ഇതിനാവശ്യമായ ചിലവ് എന്.ആര്.ഇ.ജി.എസ് ഫണ്ടില് നിന്നും ഉപയോഗപ്പെടുത്താം. വര്ക്ക് സൈറ്റില് ഇത്തരം സംവിധാനങ്ങള് ഒരുക്കിയിട്ടുണ്ടോ എന്ന് പരിശോധിക്കേണ്ട ഉത്തരവാദിത്തം എ.ഇ അല്ലെങ്കില് ഓവര്സിയര്മാര്ക്കായിരിക്കും. വീഴ്ച വരുത്തുന്ന ജീവനക്കാരുടെ പേരില് കര്ശന നടപടി സ്വീകരിക്കുമെന്നും പറയുന്നു.