കുട്ടികൾക്കായി  നീന്തൽ പരിശീലനം

നടുവണ്ണൂർ: കോട്ടൂർ എയുപി സ്കൂൾ പി.ടിഎ.യുടെ ആഭിമുഖ്യത്തിൽ കുട്ടികൾക്കായി  നീന്തൽ പരിശീലനം ആരംഭിച്ചു. നാല്പതിലേറെ കുട്ടികളാണ് കോട്ടൂർ മാണിക്കോത്ത് താഴെ മെയിൻ കനാലിൽ പരിശീലനത്തിൽ പങ്കെടുക്കുന്നത്.  അധ്യാപകരായ വിനോദ് കോട്ടൂർ, എസ്‌ ജിതേഷ്, വി. കെ റാഷിദ്, എസ്. ഷൈനി, വി. ടി. സുനന, വി. നീതു, വി. വി സബിത എന്നിവരാണ് മുഖ്യ പരിശീലകർ. 

13ന്  രാവിലെ എട്ടിന്‌ നടക്കുന്ന സമാപനത്തിൽ വാർഡ് മെമ്പർ കൃഷ്ണൻ, പി.ടി.എ പ്രസിഡണ്ട് കെ. ദിനേശൻ, പ്രധാനാധ്യാപിക ആർ ശ്രീജ, എം.പി.ടി.എ പ്രസിഡണ്ട് സഫിയ ഓയാസിസ് എന്നിവർ സംബന്ധിക്കും.  പരിശീലനം പൂർത്തിയാക്കുന്നവർക്ക് സർട്ടിഫിക്കറ്റും വിതരണം ചെയ്യും.