ഇറാനിലെ കല്‍ക്കരി ഖനിയിലുണ്ടായ സ്‌ഫോടനത്തില്‍ മരിച്ചവരുടെ എണ്ണം 35 ആയി
ടെഹ്‌റാന്‍ : ഇറാനിലെ കല്‍ക്കരി ഖനിയിലുണ്ടായ സ്‌ഫോടനത്തില്‍ മരിച്ചവരുടെ എണ്ണം 35 ആയി. നിരവധി പേര്‍ക്ക് പൊട്ടിത്തെറിയിൽ പരിക്കേറ്റു. വടക്കന്‍ ഇറാനിലെ ഗലെസ്താനില്‍ സെമസ്താന്യുര്‍ട്ട് ഖനിയിലാണ് സ്‌ഫോടനമുണ്ടായത്. ഖനിയിലെ തുരങ്കത്തില്‍ കുടുങ്ങിപ്പോയവരാണ് അപകടത്തിനിരയായത്.80 പേർ ഖനിയിൽ കുടുങ്ങിയിട്ടുണ്ടെന്നാണ് അധികൃതർ അറിയിച്ചിരിക്കുന്നത്. പൊട്ടിത്തെറില് മീഥേൻ ഗ്യാസ് നിറഞ്ഞിരിക്കുന്ന ഖനിയിൽ പ്രവർത്തനം തുടരുകയാണ്.
അപകടം നടക്കുന്ന സമയം 500ൽ അധികം തൊഴിലാളികൾ ഖനിയിലുണ്ടായിരുന്നതായാണ് റിപ്പോർട്ട്.ഖനിയില്‍ ജോലി നടക്കവെ, ഒരാള്‍ ലോറി എഞ്ചിന്‍ പ്രവര്‍ത്തിക്കാന്‍ ശ്രമിച്ചതാണ് അപകടത്തിന് കാരണമായത്. എഞ്ചിന്‍ പ്രവര്‍ത്തിച്ചപ്പോള്‍, മീഥേന്‍ ഗ്യാസ് പൊട്ടിത്തെറിച്ച് ഒരു മൈലോളം നീളത്തില്‍ തുരങ്കം തകര്‍ന്ന് വീഴുകയായിരുന്നു.തുരങ്കത്തിൽ വിഷ വായു നിറഞ്ഞു കിടക്കുന്നതിനാൽ രക്ഷാപ്രവർത്തനം വളരെ സാവധാനമാണ് നടക്കുന്നതെന്ന് ഗെലസ്താൻ ഗവർണർ ഹസൻ സദെഖ്ലോ അറിയിച്ചു. തകര്‍ന്നു വീണ തുരങ്കത്തിന് സമീപം പുതിയ തുരങ്കം നിര്‍മ്മിച്ച് കുടുങ്ങിക്കിടക്കുന്നവരെ പുറത്തെടുക്കാനുള്ള ശ്രമവും ആരംഭിച്ചിട്ടുണ്ട്
