പച്ചക്കറി കൃഷി വിളവെടുപ്പ് നടത്തി
കൊയിലാണ്ടി : കെ.എസ്.ടി.എ കൊയിലാണ്ടി സബ്ജില്ല നേതൃത്വത്തിൽ വിയ്യൂരിൽ നടത്തിയ പച്ചക്കറി കൃഷിയുടെ വിളവെടുപ്പ് നടത്തി. കെ.എസ്.ടി.എ ജില്ലാ സെക്രട്ടറി ആർ.എം രാജൻ ഉദ്ഘാടനം ചെയ്തു. കെ.എസ്.ടി. എ സംസ്ഥാന തലത്തിൽ നടത്തിയ അതിജീവനത്തിന്റെ കൃഷി പാഠം എന്ന പദ്ധതിയുടെ ഭാഗമായാണ് കൃഷി ആരംഭിച്ചത്.
സബ് ജില്ല പ്രസിഡണ്ട് ഗണേഷ് കക്കഞ്ചേരി അധ്യക്ഷത വഹിച്ചു. ജില്ലാ എക്സി. അംഗം ഡി.കെ ബിജു, രഞ്ജിത്ത് ലാൽ, വിനോദ് എൻ പി, പ്രവീൺ കുമാർ ബി.കെ എന്നിവർ സംസാരിച്ചു. സബ് ജില്ല സെക്രട്ടറി ഉണ്ണികൃഷ്ണൻ സ്വാഗതവും കാർഷിക ക്ലബ്ബ് കൺവീനർ എൻ.കെ. രാജഗോപാലൻ നന്ദിയും പറഞ്ഞു. ചേന, മഞ്ഞൾ എന്നിവയാണ് കൃഷി ചെയ്തത്.
