കുറുവങ്ങാട് ഇ കെ.പി സ്മാരക കലാ പ്രതിഭ പുരസ്കാരം സായിപ്രസാദിന്

കൊയിലാണ്ടി, കുറുവങ്ങാട്. ഇ.കെ.പി സ്മാരക കലാ പ്രതിഭ പുരസ്കാരം സായി പ്രസാദ് ചിത്രകൂടത്തിന് ലഭിച്ചു. കുറുവങ്ങാട് ശക്തി തിയറ്റേഴ്സ് സ്ഥാപക അംഗവും നാടക പ്രവർത്തനമായിരുന്ന ഇ.കെ.പി.യുടെ 17 ആം ചരമ വാർഷിക ദിനാചരണത്തിൻ്റെ ഭാഗമായി കോവിഡ് കാലത്തെ സർഗ്ഗാത്മകമായി വിനിയോഗിച്ച കലാപ്രതിഭക്ക് ശക്തി തിയറ്റേഴ്സ് കുറുവങ്ങാട് ഏർപ്പെടുത്തിയ പുരസ്കാരത്തിനാണ് സായി പ്രസാദ് (ചിത്രകൂടം) അർഹനായത്.

കോവിഡിൻ്റെ അടച്ചിടൽ കാലത്ത് നേരിട്ടും ഓൺലൈനിലും ക്യൂറേറ്റ് ചെയ്ത ചിത്ര പ്രദർശനങ്ങൾ, സ്വന്തം കലാ സൃഷ്ടിക്ക് ലഭിച്ച ദേശീയ, അന്തർദേശീയ അവാർഡുകൾ എന്നിവ പരിഗണിച്ചാണ് അദ്ദേഹത്തെ പുരസ്കാരത്തിന് തെരെഞ്ഞെടുത്തത്. പൊയിൽക്കാവ് ഹയർ സെക്കണ്ടറി സ്കൂളിലെ ബാല ശങ്കർ എം. പ്രോത്സാഹന സമ്മാനത്തിന് അർഹനായി. ഫെബ്രുവരി 8 ന് ശക്തി തിയറ്റേഴ്സിൽ വെച്ചു നടക്കുന്ന അനുസ്മരണ പരിപാടിയിൽ വെച്ച് പ്രശസ്ത ചിത്രകാരൻ യു.കെ. രാഘവൻ മാസ്റ്റർ പുരസ്കാരം വിതരണം നിർവ്വഹിക്കുംമെന്ന് ഭാരവാഹികൾ അറിയിച്ചു.