കോഴിക്കോട് വീണ്ടും ഷിഗല്ല സ്ഥിരീകരിച്ചു
കോഴിക്കോട്: മലയോര മേഖലയിലും ഷിഗല്ല സ്ഥിരീകരിച്ചു. കൂടരഞ്ഞി പഞ്ചായത്തിലെ 13കാരനാണ് രോഗം സ്ഥിരീകരിച്ചത്.
കോഴിക്കോട് കോട്ടാംപറമ്പില്‍ 11കാരന്‍ ഷിഗല്ല ബാധിച്ച്‌ മരിച്ചിരുന്നു. കുട്ടിയുടെ സംസ്കാര ചടങ്ങില്‍ പങ്കെടുത്ത 56പേര്‍ക്ക് രോഗ ലക്ഷണങ്ങള്‍ കണ്ടെത്തുകയും അഞ്ചുപേര്‍ക്ക് രോഗം സ്ഥിരീകരിക്കുകയും ചെയ്തു.
കണ്ണൂര്‍ ചിറ്റാരിപറമ്പില്‍ കഴിഞ്ഞദിവസം ആറുവയസുകാരന് ഷിഗല്ല സ്ഥിരീകരിച്ചിരുന്നു. എറണാകുളം ചോറ്റാനിക്കരയില്‍ 56വയസുള്ള വ്യക്തിക്കാണ് ഷിഗല്ല സ്ഥിരീകരിച്ചത്. കൂടുതല്‍ സ്ഥലങ്ങളില്‍ ഷിഗല്ല സ്ഥിരീകരിക്കുന്നതോടെ ആരോഗ്യവകുപ്പ് കൂടുതല്‍ മുന്‍കരുതല്‍ നടപടികള്‍ സ്വീകരിച്ചിരുന്നു.
Advertisements
