യുവതിയെ ശല്യം ചെയ്യുന്നത് ചോദ്യം ചെയ്ത മധ്യ വയസ്കനെ ട്രെയിനില്നിന്നും തള്ളിയിട്ടു
പയ്യന്നൂര്: ട്രെയിനില് യാത്ര ചെയ്തിരുന്ന യുവതിയെ ശല്യം ചെയ്യുന്നത് ചോദ്യം ചെയ്ത മധ്യ വയസ്കനെ ട്രെയിനില്നിന്നും തള്ളിയിട്ടു കൊലപ്പെടുത്താന് ശ്രമം. പുലര്ച്ചെ 2.30 ഓടെ പയ്യന്നൂര് റെയില്വേ സ്റ്റേഷന് സമീപമാണ് സംഭവം. കോഴിക്കോട് തിരുവമ്ബാടി സ്വദേശി ഗംഗാധരന് കൊച്ചിനാണ് (50) അക്രമത്തില് പരിക്കേറ്റത്. തലയിലും മുഖത്തും പരിക്കേറ്റ ഇയാളെ പയ്യന്നൂര് സഹകരണ ആശുപത്രിയില് പ്രവേശിപ്പിച്ചു.
മംഗലാപുരം കാര്ക്കളയില് റബര് എസ്റ്റേറ്റ് തൊഴിലാളിയായ ഗംഗാധരന് വിഷുവിന് വീട്ടില്പോയി മടങ്ങും വഴിയാണ് സംഭവം. ഇയാള് സഞ്ചരിച്ചിരുന്ന കമ്ബാര്ട്ട്മെന്റിലെ യാത്രക്കാരിയായ യുവതിയെ ഉറക്കത്തില് ചിലര് ശല്യം ചെയ്യുന്നത് ശ്രദ്ധയില് പെട്ടപ്പോള് ചോദ്യം ചെയ്ത ഗംഗാധരനുമായി ട്രെയിനില് വാക്കേറ്റവും കയ്യാങ്കളിയുമായി. കോഴിക്കോട് മുതല് ട്രെയിനിലുണ്ടായിരുന്നവരാണ് ഇവരെന്ന് ഗംഗാധരന് പറയുന്നു.
ഇതിനിടയിലാണ് യുവതിയെ ശല്യം ചെയ്തിരുന്ന അപരിചിതരായ രണ്ടു യുവാക്കള് തന്നെ പുറത്തേക്ക് തള്ളിയിട്ടതെന്ന് ഗംഗാധരന് പറയുന്നു. പരിക്കേറ്റ് അബോധാവസ്ഥയില് കിടന്നിരുന്ന ഗംഗാധരനെ പോലീസാണ് ആശുപത്രിയിലെത്തിച്ച് വൈദ്യസഹായം ലഭ്യമാക്കിയത്.
പോലീസ് വിവരമറിയിച്ചതിനെ തുടര്ന്ന് നാട്ടില് നിന്നെത്തിയ ബന്ധുക്കള് ഗംഗാധരനെ കോഴിക്കോട്ടേക്ക് കൊണ്ടുപോയി. ട്രെയിന് വേഗത കുറച്ചു പോകുമ്ബോഴാണ് സംഭവമെന്നതിനാല് ജീവഹാനി ഉണ്ടായില്ല. സംഭവത്തില് പോലീസ് അന്വേഷണം തുടരുകയാണ്.