മദ്യപിച്ചെത്തിയ മകന്‍ മാതാവിനെ തലയ്ക്കടിച്ചു കൊന്നു

കല്‍പ്പറ്റ: മദ്യപിച്ചെത്തിയ മകന്‍ മാതാവിനെ തലയ്ക്കടിച്ചു കൊന്നു. പഴുപ്പത്തൂര്‍ കാവുങ്കര കുന്ന് കോളനിയിലെ ചന്ദ്രിക (50) ആണ് കൊല്ലപ്പെട്ടത്. പ്രതി പ്രദീപ് (30)നെ ബത്തേരി പൊലീസ് അറസ്റ്റ് ചെയ്തു. ഇന്നലെ വൈകിട്ട് 5.30നാണു സംഭവം. മദ്യപിച്ചെത്തിയ മകന്‍ അമ്മയെ വടികൊണ്ടു തലക്കടിക്കുകയായിരുന്നു. ബോധം നഷ്ടപ്പെട്ട ചന്ദ്രികയെ രാത്രി ഒന്‍പതു മണിയോടെ മകന്‍ പ്രദീപും കോളനിനിവാസികളും ചേര്‍ന്ന് ബത്തേരി താലൂക്ക് ആശുപത്രിയില്‍ എത്തിക്കുകയായിരുന്നു. എന്നാല്‍ ജീവന്‍ രക്ഷിക്കാനായില്ല. രാത്രി 11 മണിയോടെ ചന്ദ്രിക മരിച്ചു.