മണല്‍കടത്ത് തടയാന്‍ ശ്രമിച്ച പൊലീസ് ഉദ്യോഗസ്ഥര്‍ക്ക് നേരെ മണല്‍ മാഫിയയുടെ ആക്രമണം
കോഴിക്കോട്: കോഴിക്കോട് മണല്‍കടത്ത് തടയാന്‍ ശ്രമിച്ച പൊലീസ് ഉദ്യോഗസ്ഥര്‍ക്ക് നേരെ മണല്‍ മാഫിയയുടെ ആക്രമണം. അര്‍ധരാത്രിക്ക് ശേഷം മേപ്പയൂര്‍ ആവളപ്പുഴയിലാണ് സംഭവം. സിവില്‍ പോലീസ് ഓഫീസര്‍ സുനില്‍ കുമാറിനാണ് ആക്രമണത്തില്‍ പരിക്കറ്റത്. ഇദ്ദേഹത്തെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. മണലുമായി കടന്ന ലോറി പോലീസ് വാഹനത്തില്‍ ഇടിപ്പിച്ചായിരുന്നു ആക്രമണം. പ്രദേശത്ത് കുറേകാലങ്ങളായി വന്‍ മണല്‍കടത്താണ് മാഫിയ നടത്തുന്നത്.
