പൂനൂര്‍ പുഴയില്‍ വീണ്‌ വൃദ്ധ മരിച്ചു
കോഴിക്കോട്: പൂനൂര്‍ പുഴയില്‍ വീണ്‌ വൃദ്ധ മരിച്ചു. എരത്തിക്കല്‍ പരേതനായ പീടികക്കല്‍ കണാരന്റെ മകള്‍ സത്യവതി (63) ആണ് മരിച്ചത്. പുറക്കാട്ടിരി പാലത്തിന് കിഴക്കുള്ള ചിറ്റം വീട് ദേവീക്ഷേത്രത്തിന് സമീപത്ത്‌നിന്ന്‌ രാവിലെ എട്ടിനാണ്‌ മൃതദേഹം കണ്ടെത്തിയത്‌.
പുലര്‍ച്ചെ അഞ്ചരയോടെ വീടിനടുത്തുള്ള പുഴയില്‍ അലക്കാനിറങ്ങിയ തായിരുന്നു. നാട്ടുകാര്‍ വിവരമറിയിച്ചതിനെ തുടര്‍ന്ന് ബീച്ച്‌ ഫയര്‍ സ്റ്റേഷനില്‍ നിന്നും സ്റ്റേഷന്‍ ഓഫീസര്‍ പനോത്ത് അജിത് കുമാറിന്റെ നേതൃത്വത്തിലുള്ള സംഘമാണ്‌ മൃതദേഹം കരക്കെടുത്തത്‌. അമ്മ പരേതയായ ജാനകി. സഹോദരങ്ങള്‍: ഗിരീഷ്, നിര്‍മ്മല, രാജി.
