പരിഹാരമില്ലാതെ സംസ്ഥാനത്ത് മലയാള സിനിമ പ്രതിസന്ധി തുടരുന്നു
തിരുവനന്തപുരം: പരിഹാരമില്ലാതെ സംസ്ഥാനത്ത് മലയാള സിനിമ പ്രതിസന്ധി തുടരുന്നു. ദിനംപ്രതി പ്രശ്നങ്ങള്‍ രൂക്ഷമായി വരുന്ന അവസ്ഥയാണ് നിലവിലുള്ളത്. ഒടുവിലത്തെ തീരുമാനം അനുസരിച്ച്‌ സംസ്ഥാനത്തെ മുഴുവന്‍ തീയ്യേറ്ററുകളും അടച്ചിടാനാണ് സാധ്യത. അന്തിമ തീരുമാനം ഈ മാസം പത്തിന് ചേരുന്ന യോഗത്തില്‍ ഉണ്ടാകും.
സിനിമകളുടെ തീയ്യേറ്റര്‍ വിഹിതത്തിന്റെ അമ്പത് ശതമാനം വേണമെന്ന തീയ്യേറ്റര്‍ ഉടമകളുടെ ആവശ്യം നിര്‍മ്മാതാക്കളും വിതരണക്കാരും അംഗീകരിക്കാത്തതിനെത്തുടര്‍ന്നാണ് മലയാള സിനിമ പ്രതിസന്ധി രൂക്ഷമായത്. ഇക്കാര്യത്തില്‍ പരിഹാരം കാണാന്‍ മന്ത്രിയുമായി ചര്‍ച്ച നടത്തിയെങ്കിലും തര്‍ക്കത്തിന് ഫലം ഉണ്ടായില്ല. അന്യഭാഷാ ചിത്രങ്ങള്‍ പ്രദര്‍ശിപ്പിച്ച്‌ മുന്നോട്ട് പോകുമെന്നാണ് തീയ്യേറ്റര്‍ ഉടമകള്‍ പറഞ്ഞിരുന്നത്.
എന്നാല്‍ പുതിയ അന്യഭാഷാ ചിത്രങ്ങള്‍ ഇല്ലാത്തത് കൂടുതല്‍ സാമ്പത്തിക നഷ്ടം ഉണ്ടാക്കുമെന്നതിനാലാണ് തീയ്യേറ്റര്‍ അടച്ചിടാന്‍ ആലോചിക്കുന്നത്. പ്രതിസന്ധി രൂക്ഷമായ സാഹചര്യത്തില്‍ ദുല്‍ഖര്‍ സല്‍മാന്‍ ചിത്രം ജോമോന്റെ സുവിശേഷങ്ങള്‍, ജയസൂര്യ ചിത്രം ഫുക്രി, പൃഥ്വിരാജ് ചിത്രം എസ്ര, മോഹന്‍ലാലിന്റെ മുന്തിരിവള്ളികള്‍ തളിര്‍ക്കുമ്ബോള്‍ എന്നിവയുടെ റിലീസ് നിര്‍ത്തി വെച്ചിരിക്കുകയാണ്.
