ഗ്രന്ഥശാലകളുടെ മഹത്വം ആധുനിക യുഗത്തിലും പ്രസക്തം: കെ.മുരളധരൻ എം. പി
കൊയിലാണ്ടി: നടുവത്തൂർ കളിക്കൂട്ടം ഗ്രന്ഥശാലാ കെട്ടിട നിർമ്മാണ ശിലാസ്ഥാപനം നിർവ്വഹിച്ചു. ഗ്രന്ഥശാലകളുടെ മഹത്വം ആധുനികയുഗത്തിലും മഹത്തരമാണെന്നും, ഓരോ വായനശാലകളും ഗ്രാമീണ സർവ്വകലാശാലകളാണെന്നും ശരിയായ ചരിത്ര പഠനത്തിന് വായന ആവശ്യമാണെന്നും പൊതു പ്രവർത്തകർ നല്ല വായനക്കാരായി തീരണമെന്നും കെ.മുരളീധരൻ എം.പി പറഞ്ഞു. നടുവത്തൂർ കളിക്കൂട്ടം ഗ്രന്ഥശാലാ കെട്ടിട നിർമ്മാണ ശിലാസ്ഥാപനം നിർവ്വഹിച്ചു സംസാരിക്കുകയായിരുന്നു അദ്ദേഹം.
മേലടി ബ്ലോക്ക് പഞ്ചായത്ത് പ്രസിഡണ്ട് കെ.പി ഗോപാലൻ നായർ അദ്ധ്യക്ഷത വഹിച്ചു. പ്രവൃത്തി ഉദ്ഘാടനം കീഴരിയൂർ ഗ്രാമപഞ്ചായത്ത് പ്രസിഡണ്ട് കെ.കെ നിർമ്മല ടീച്ചർ നിർവ്വഹിച്ചു. ഗ്രാമ പഞ്ചായത്ത് മെമ്പർ അമൽസരാഗ, താലൂക്ക് ലൈബ്രറി കൗൺസിൽ സിക്രട്ടറി പി. വേണു മാസ്റ്റർ, ടി.കെ ഗോപാലൻ, വി.വി ജമാൽ, ടി.യു സൈനുദ്ദീൻ, മണികണ്ഠൻ കിഴക്കയിൽ, ടി. കുഞ്ഞിരാമൻ മാസ്റ്റർ, ബാലകൃഷ്ണൻ എടത്തിൽ എന്നിവർ സംസാരിച്ചു .രാജൻ നടുവത്തൂർ സ്വാഗതവും ,കെ സുധീർ നന്ദിയും പറഞ്ഞു.
