കൊയിലാണ്ടിയിൽ ട്രിപ് മുടക്കിയ ബസ്സുകൾക്കെതിരെ നടപടി
കൊയിലാണ്ടി: ട്രിപ്പ് മുടക്കിയ ബസ്സുകൾക്കെതിരെ നടപടി സ്വീകരിച്ചു. മുചുകുന്ന് ഭാഗത്തേക്ക് ബസുകൾ ട്രിപ്പ് മുടക്കുന്നു എന്ന പരാതിയെ തുടർന്ന് RTO നടത്തിയ പരിശോധനയിൽ 2 ബസ്സുകൾക്കെതിരെ e ചെല്ലാൻ തയാറാക്കി നടപടി സ്വീകരിച്ചു. കൂടാതെ ഇന്ന് നടന്ന പരിശോധനയിൽ ടാക്സ് അടക്കാതെ സർവീസ് നടത്തിയ ഒരു ബസ്സിനെതിരെയും നടപടി സ്വീകരിച്ചു . ജോയിന്റ് RTO കെ പി ദിലീപ് നൽകിയ നിർദേശ പ്രകാരം ആണ് നടപടി സ്വീകരിച്ചത്.
പരിശോധനയിൽ എം വി ഐ സനീഷൻ, രാകേഷ് (എം വി ഐ), അനൂപ് (എ എം വി ഐ), ശരത് എ (എം വി ഐ) തുടങ്ങിയവർ പങ്കെടുത്തു. വരും ദിവസങ്ങൾ പരിശോധന കർശനമാക്കും എന്നും , ട്രിപ് മുടക്കുന്ന ബസ്സുകളുടെ പെര്മിറ്റിന്മേൽ നടപടി സ്വീകരിക്കും എന്നും കൊയിലാണ്ടി ജോയിന്റ് ആർ.ടി.ഒ അറിയിച്ചു.
