രോഗിയുമായി മെഡിക്കൽ കോളേജിലേക്ക് പോയ ആംബുലൻസിന് മുന്നിൽ യുവാക്കളുടെ അഭ്യാസം
രോഗിയുമായി ആലപ്പുഴ വണ്ടാനം മെഡിക്കൽ കോളജ് ആശുപത്രിയിലേക്ക് പോയ ആംബുലൻസിന് കുറുകെ കാറ് നിർത്തി യുവാക്കളുടെ വെല്ലുവിളി. ആലപ്പുഴ താമരക്കുളം വയ്യാങ്കരയിലാണ് സംഭവം. ശൂരനാട് സ്വദേശികളായ യുവാക്കളാണ് യാത്ര തടസപ്പെടുത്തും വിധം കാറോടിച്ചത്. ആംബുലൻസിന് സൈഡ് കൊടുക്കാതെ കുറെ ദൂരം കാർ ഓടിച്ച് അഭ്യാസ പ്രകടനം നടത്തി. തുടർന്ന് ആംബുലൻസിന് മുന്നിൽ കാർ വട്ടമിട്ട് ഡ്രൈവറെ കയ്യേറ്റം ചെയ്യാൻ ശ്രമിച്ചു. ആംബുലൻസ് ഡ്രൈവർ വിഷ്ണു നൂറനാട് പോലീസിൽ പരാതി നൽകി.
