അതിരപ്പള്ളി തുമ്പൂര്‍മുഴിയില്‍ കാട്ടാന ആക്രമണം; ചായക്കട തകർത്തു
അതിരപ്പള്ളി: ചാലക്കുടി അതിരപ്പള്ളി തുമ്പൂര്‍മുഴിയില്‍ കാട്ടാനക്കൂട്ടത്തിന്റെ ആക്രമണം. ചായക്കട തകർത്തു. ചായക്കടയിലെ സാധനസാമഗ്രികള്‍ വലിച്ചിടുകയും ഗ്രില്ല് തകര്‍ക്കുകയും ചെയ്തു. ഇന്ന് പുലർച്ചെയായിരുന്നു ആക്രമണം. കൊന്നക്കുഴി സ്വദേശിനി സുഹറയുടെ കടയാണ് ആനക്കൂട്ടം തകര്‍ത്തത്. ആറ് ആനകള്‍ അടങ്ങുന്ന കൂട്ടമാണ് കടയുടെ ഭാഗത്ത് എത്തിയത്.
