രോഗിക്ക് നേരെ വെടിവെയ്പ്; ദില്ലി ജി ടി ബി ആശുപത്രിയിൽ സമരം തുടർന്ന് ജീവനക്കാർ
ദില്ലി ജി ടി ബി ആശുപത്രിയിലെ രോഗിക്ക് നേരെ വെടിവെയ്പുണ്ടായ സാഹചര്യത്തിൽ സമരം തുടർന്ന് ജീവനക്കാർ. സുരക്ഷാ വർധിപ്പിക്കണം എന്ന ആവശ്യവുമായാണ് ആശുപത്രിയിൽ സമരം നടത്തുന്നത്. വെടിവെപ്പിൽ രണ്ടുപേരെ പൊലീസ് കഴിഞ്ഞദിവസം കസ്റ്റഡിയിൽ എടുത്തിരുന്നു. പ്രധാന പ്രതികൾക്കായി ദില്ലി പൊലീസ് അന്വേഷണം ഊർജിതമാക്കിയിട്ടുണ്ട്. അതേസമയം പരിഹാരം ഉണ്ടാകും വരെ സമരം തുടരുമെന്ന് ആശുപത്രി ജീവനക്കാർ അറിയിച്ചു. ഇന്ന് 10.30 ന് ജീവനക്കാർ അധികൃതരുമായി ചർച്ച നടത്തും.
