തെളിവെടുപ്പിൽ മുറിയെടുത്തെന്ന് സമ്മതിച്ച് രാഹുൽ മാങ്കൂട്ടത്തിൽ; മറ്റ് ചോദ്യങ്ങളോട് മൗനം
.
രാഹുൽ മാങ്കൂട്ടത്തിലുമായി തിരുവല്ലയിലെ ഹോട്ടലിൽ നടത്തിയ തെളിവെടുപ്പിൽ നിർണായ വിവരങ്ങളാണ് കണ്ടെത്തിയത്. രാഹുൽ മാങ്കൂട്ടത്തിലുമായി ഇന്ന് പുലർച്ചെയാണ് തെളിവെടുപ്പിന് അന്വേഷണ സംഘം തിരുവല്ലയിലെ ഹോട്ടലിൽ എത്തിയത്. ഇവിടെ രാഹുലുമായി തെളിവെടുപ്പ് നടത്തിയപ്പോൾ ഹോട്ടലിൽ മുറിയടുത്തെന്നാണ് രാഹുൽ മാങ്കൂട്ടത്തിൽ സമ്മതിച്ചിരിക്കുന്നത്.
ഇവിടെ എത്തിച്ചായിരുന്നു ബലാത്സംഗമെന്ന് അതിജീവിതയുടെ പരാതിയിൽ പറയുന്നുണ്ട്. ഇതിൻ്റെ അടിസ്ഥാനത്തിലാണ് ഇവിടെ തെളിവെടുപ്പ് നടന്നത്. ക്ലബ് സെവൻ ഹോട്ടലിലെ നാലാം നിലയിൽ 408-ാം നമ്പർ മുറിയാണ് എടുത്തത്. ഇവിടെ രാഹുൽ മാങ്കൂട്ടത്തിൽ എന്ന പേരിലല്ല ഇയാൾ രജിസ്ട്രേഷൻ നടത്തിയത്. ബി ആർ രാഹുൽ എന്നാണ് രജിസ്റ്ററിൽ രേഖപ്പെടുത്തിയിട്ടുള്ള പേര്. അതിജീവിതയെക്കൊണ്ടാണ് രാഹുൽ മാങ്കൂട്ടത്തിൽ മുറി എടുപ്പിച്ചിരുന്നത്.
2024 ഏപ്രിൽ മാസം 8 ന് ഉച്ചയ്ക്ക് 1 മണിക്കാണ് അതിജീവിതയുമായി രാഹുൽ മാങ്കൂട്ടം എംഎൽഎഹോട്ടലിൽ എത്തിയത്. ഒരു മണിക്കൂർ മാത്രമാണ് മുറിയിൽ ചിലവഴിച്ചതെന്നും രാഹുൽ പറഞ്ഞു. പീഡിപ്പിച്ചോ എന്നും മറ്റുള്ള ചോദ്യങ്ങൾക്കും രാഹുൽ മൗനം തുടരുകയായിരുന്നു. കഴിഞ്ഞ ദിവസം അന്വേഷണ സംഘത്തോട് സഹകരിക്കാത്ത സ്ഥിതിയുണ്ടായിരുന്നു.
