പൊയിൽക്കാവ് ശ്രീ ദുർഗ്ഗ ദേവീ ക്ഷേത്ര നവരാത്രി മഹോത്സവം ഒക്ടോബർ 3 മുതൽ 13 വരെ ആഘോഷിക്കും
കൊയിലാണ്ടി: പൊയിൽക്കാവ് ശ്രീ ദുർഗ്ഗ ദേവീ ക്ഷേത്ര നവരാത്രി മഹോത്സവം ഒക്ടോബർ 3 മുതൽ 13 വരെ ആഘോഷിക്കും. എല്ലാ ദിവസങ്ങളിലും ക്ഷേത്രത്തിൽ സംഗീത-നൃത്ത പരിപാടികളും, വാദ്യമേളവും, ആന എഴുന്നെള്ളിപ്പും, ഭക്തർക്കായ് പ്രഭാത -സായാഹ്ന ഭക്ഷണവും ആഘോഷ കമ്മിറ്റി ഒരുക്കിയിരിക്കുന്നു.
നവരാത്രി ദിനങ്ങളിൽ ഭഗവതിയുടെ തിടമ്പേറുന്നത് ഗജവീരൻ ചിറയ്ക്കൽ പരമേശ്വരനാണ്. ഒക്ടോബർ ഏഴിന് വൈകീട്ട് ക്ഷേത്രം വികസന മാസ്റ്റർ പ്ലാൻ ഡോ. കസ്തുർബ (Nit കോഴിക്കോട്) യിൽ നിന്നും മലബാർ ദേവസ്വം ബോർഡ് പ്രസിഡണ്ട് എം ആർ മുരളി ഏററുവാങ്ങും. വിജയദശമി ദിനത്തിൽ പ്രഗത്ഭ വ്യക്തികൾ കുട്ടികളെ കിഴക്കേ കാവിലും, പടിഞ്ഞാറെ കാവിലും എഴുത്തിനിരുത്തുന്നു.
അന്നു തന്നെ പടിഞ്ഞാറെക്കാവിൽ ലളിതാ സഹസ്രനാമ യജ്ഞം നടക്കും. കൂടാതെ വ്യത്യസ്ത ദിനങ്ങളിലായി നവഗ്രഹ പൂജ, വിദ്യ പൂജ എന്നിവയും ഇത്തവണ ക്ഷേത്രത്തിൽ നടത്തപെടും. വാഹന പൂജ, എഴുതിനിരുത്ത്, വിദ്യാപൂജ, നവഗ്രഹപൂജ, ലളിത സഹസ്രനാമ യജ്ഞം എന്നിവക്ക് മുൻകൂട്ടി ബുക്ക്‌ ചെയ്യേണ്ടതാണ്. നവരാത്രി മഹോത്സവത്തിന്റെ സുഗമമായ നടത്തിപ്പിനായി മുഴുവൻ ഭക്തജനങ്ങളുടെയും സഹായ-സഹകരണങ്ങൾ ഉണ്ടാവണമെന്ന് ആഘോഷകമ്മിറ്റി ഭാരവാഹികൾ അഭ്യർത്ഥിച്ചു.
