ഡോർ ലോക്കായി അകത്ത് കുടുങ്ങിയവരെ രക്ഷപ്പെടുത്തി
കൊയിലാണ്ടി: ഡോർ ലോക്കായി അകത്ത് കുടുങ്ങിയവരെ അഗ്നി രക്ഷാ സേന രക്ഷപ്പെടുത്തി. ബുധനാഴ്ച ഉച്ചക്ക് 12 മണിയോടുകൂടിയാണ് സംഭവം. കൊയിലാണ്ടി വിരുന്നുകണ്ടി ക്ഷേത്രത്തിനു സമീപത്തെ വീട്ടിലെ മുകൾ നിലയിലെ മുറിക്കുള്ളിൽ നിന്ന് പൂട്ടിയശേഷം പിന്നെ തുറക്കാൻ പറ്റാതാവുകയായിരുന്നു ഇതോടെ രണ്ടു പേർ റൂമിനകത്ത് അകപ്പെട്ടു.
വിവരം കിട്ടിയതിനെ തുടർന്ന് കൊയിലാണ്ടിയിൽ നിന്നും അഗ്നിരക്ഷാസേന സ്റ്റേഷൻ ഓഫീസർ വി കെ ബിജുവിന്റെ നേതൃത്വത്തിൽ എത്തി ടൂൾസ് ഉപയോഗിച്ച് ഡോർ തുറന്നു രണ്ടുപേരെ പുറത്തെത്തിച്ചു. FRO മാരായ രതീഷ് കെ എൻ, സുകേഷ് കെ ബി, നിതിൻ രാജ്, ഹോം ഗാർഡ് പ്രതീഷ് എന്നിവർ രക്ഷാപ്രവർത്തനത്തിൽ ഏർപ്പെട്ടു.
