കൊയിലാണ്ടി നഗരസഭ ”നമുക്ക് നൽകാം നവജീവിതം” അവയവദാന ക്യാമ്പയിൻ ആരംഭിച്ചു
കൊയിലാണ്ടി: പുതിയ കാലത്തെ വെല്ലുവിളിയെ അതി ജീവിക്കാൻ കൊയിലാണ്ടി നഗരസഭ കുടുംബശ്രീ സിഡിഎസ് ന്റെ നേതൃത്വത്തിൽ അവയവദാന ക്യാമ്പയിൻ ” നമുക്ക് നൽകാം നവജീവിതം” പദ്ധതിക്ക് തുടക്കം കുറിച്ചു. നഗരസഭ ചെയർപേഴ്സൺ സുധ കിഴക്കേപാട്ട് ഉദ്ഘാടനം നിർവഹിച്ചു. ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ കെ. ഷിജു അധ്യക്ഷനായി.
ഡോ. സി. സ്വപ്ന, കെ കെ സത്യപാലൻ (സെക്രട്ടറി IPM), വിനോദൻ മാസ്റ്റർ, എന്നിവർ വിഷയാവതരണം നടത്തി. പൊതുമരാമത്ത് സ്റ്റാൻഡിങ് കമ്മിറ്റി ചെയർമാൻ ഇ. കെ അജിത്ത് മാസ്റ്റർ കൗൺസിലർമാരായ ബിന്ദു പി.ബി, സുധ സി പ്രജിഷ എന്നിവർ സംസാരിച്ചു.
ഡോ. വി. വിനോദ് (സൂപ്രണ്ട് താലൂക്ക് ഹോസ്പിറ്റൽ), നിർമ്മല, ബിന്ദു കല (എച്ച്ഐ തിരുവങ്ങൂർ), ശശി കോട്ടിൽ (കോ -ഓർഡിനേറ്റർ) എന്നിവരും സംസാരിച്ചു. സൗത്ത് സി ഡി എസ് ചെയർപേഴ്സൺ വിബിന കെ കെ സ്വാഗതവും നോർത്ത് സിഡിഎസ് ചെയർപേഴ്സൺ ഇന്ദുലേഖ എം.പി. നന്ദിയും പറഞ്ഞു.
