കൊയിലാണ്ടി നഗരസഭ ഭിന്നശേഷികാർക്ക് ഓർത്തോ ഉപകരണങ്ങൾ വിതരണം ചെയ്തു

കൊയിലാണ്ടി നഗരസഭ ഭിന്നശേഷികാർക്ക് ഓർത്തോ ഉപകരണങ്ങൾ വിതരണം ചെയ്തു. 2024-25 വാർഷിക പദ്ധതി പ്രകാരമാണ് ഭിന്നശേഷികാർക്ക് ക്യാമ്പ് നടത്തി വിവിധ തരം സഹായ ഉപകരണങ്ങൾ വിതരണം ചെയ്‌തത്. നഗരസഭ ചെയർപേഴ്സൻ സുധ കിഴക്കെപാട്ട് ഉദ്ഘാടനം ചെയ്തു. പരിപാടിയിൽ ക്ഷേമകാര്യ സ്റ്റാന്റിംഗ് കമ്മറ്റി ചെയർമാൻ കെ ഷിജു മാസ്റ്റർ അധ്യക്ഷത വഹിച്ചു.

നഗരസഭ വൈസ് ചെയർമാൻ അഡ്വ. കെ സത്യൻ മുഖ്യപ്രഭാഷണവും, ഐ സി ഡി എസ് സൂപ്പർവൈസർ ഷെബില കെ പദ്ധതി വിശദീകരണവും, നടത്തി. വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ നിജില പറവക്കൊടി, പൊതു മരാമത്ത് ഇ. കെ അജിത്ത് മാഷ്, കൗൺസിലർ രമേശൻ മാഷ് എന്നിവർ പരിപാടിയിൽ ആശംസ അർപ്പിച്ചു സംസാരിച്ചു. വികസന സ്റ്റാൻഡിങ് കമ്മിറ്റി ചെയർപേഴ്സൺ കെ. എ ഇന്ദിര ടീച്ചർ സ്വാഗതവും ICDS സൂപ്പർവൈസർ മോനിഷ എം നന്ദിയും പറഞ്ഞു.