കൊയിലാണ്ടി നഗരസഭ സബ്ബ്സിഡി നിരക്കിൽ തെങ്ങിനു വളം വിതരണം ആരംഭിച്ചു
കൊയിലാണ്ടി നഗരസഭ 2024-25 സാമ്പത്തിക വർഷത്തെ ജനകീയാസൂത്രണം പദ്ധതി പ്രകാരം തെങ്ങിനു വളം വിതരണം ആരംഭിച്ചു. നഗരസഭ കാര്യാലയത്തിൽ നടന്ന ചടങ്ങിൽ ചെയർപേഴ്സൺ സുധ കിഴക്കെപ്പാട്ട് വിതരണം ഉദ്‌ഘാടനം ചെയ്തു. വൈസ് ചെയർമാൻ അഡ്വ. കെ. സത്യൻ അധ്യക്ഷത വഹിച്ചു. 30000 തെങ്ങുകൾക്കാണ് പദ്ധതി വിഭാവനം ചെയ്തിട്ടുള്ളത്. തെങ്ങിന് കുമ്മായം, ജൈവവളം 75 % സബ്സിഡി നിരക്കിലും പൊട്ടാഷ് 50% സബ്സിഡി നിരക്കിലുമാണ് നൽകുന്നത്.
നഗരസഭയിലെ കൃഷിവകുപ്പ് അംഗീകൃത ഡിപ്പോകളിൽ നിന്നും ഗുണഭോക്താക്കൾക്ക് നേരിട്ട് വാങ്ങി ജി എസ്‌ ടി ബില്ലുകൾ നേരിട്ട് ഹാജരാക്കുന്ന മുറക്ക് സബ്സിഡി തുക കർഷകൻ്റെ ബാങ്ക് അക്കൗണ്ടിൽ ക്രെഡിറ്റ് ചെയ്യുന്നതാണ്. സ്ഥിരംസമിതി അധ്യക്ഷന്മാരായ കെ.എ. ഇന്ദിര, കെ. ഷിജു മാസ്റ്റർ, കൗൺസിലർ എ. അസീസ്, കൃഷി ഓഫീസർ പി. വിദ്യ, എ.ഡി.സി അംഗം ടി. ഗംഗാധരൻ, അസിസ്റ്റൻറ് ഓഫീസർ രജീഷ് കുമാർ എന്നിവർ സംസാരിച്ചു
